राज्यसभा निवडणुकीत अहमद पटेल यांनी लाच दिली, भाजपा नेत्याचे हायकोर्टात प्रतिज्ञापत्र
काँग्रेस नेते अहमद पटेल यांनी राज्यसभा निवडणुकीत काँग्रेसचे जे आमदार त्यांना पाठिंबा देऊ इच्छित नव्हते त्यांना लाच दिल्याचे भाजपा नेते बलवंतसिंह राजपूत यांनी सोमवारी गुजरात उच्च न्यायालयाला सांगितले. राजपूत यांना पराभूत करून पटेल यांनी राज्यसभा निवडणुकीत विजय मिळवला होता. त्यानंतर राजपूत यांनी उच्च न्यायालयात धाव घेऊन निवडणूक रद्द करण्याची मागणी केली होती.
पटेल यांनी लाच देत अनैतिक मार्ग वापरल्याचा आरोप राजपूत यांनी केला. दरम्यान, पटेल यांनी या आरोपांचे यापूर्वीच खंडन केलेले आहे. पटेल यांनी बंगळुरू येथे काँग्रेस आमदारांच्या सहलीसाठी १८ लाख रूपये खर्च केल्याचा आरोप राजपूत यांनी न्या. बेला त्रिवेदी यांच्याकडे दाखल केलेल्या प्रतिज्ञापत्रात केला आहे.
माध्यमांत आलेल्या वृत्तानुसार राजपूत यांनी म्हटले की, काँग्रेस पक्षाच्या आमदारांना पटेल यांचे समर्थन करायचे नव्हते. पहिल्या पंसतीचे मत देण्यासाठी प्रलोभनच्या रूपाने प्रतिवादी क्रमांक एक (पटेल) किंवा त्यांचे प्रतिनिधी अथवा त्यांच्या निर्देशावर त्यांना (४४ काँग्रेस आमदार) मोठी रक्कम देण्यात आली. या प्रतिज्ञापत्रावर ३१ जानेवारी रोजी पुढील सुनावणी होईल.
