अक्षय-अजयने मानले आभार
बॉलीवूडबाबत काही दिवसांपूर्वी झालेल्या जीएसटी काउंसिलच्या बैठकित महत्त्वपूर्ण निर्णय घेण्यात आला. यात सिनेमांच्या तिकिटांवरील जीएसटी कमी करण्यात आला. अर्थमंत्री अरुण जेटली यांनी नवीन दराची घोषणा करत सिनेमांच्या तिकिटांचे 1 जानेवारीपासून लागू होणारे नवीन जीएसटी दर जाहीर केले. या निर्णयाचे बॉलिवूडमध्ये जोरदार स्वागत करण्यात आले आहे. याबाबत अजय देवगण आणि अक्षय कुमार यांनी ट्वीट करत आभार मानले आहे.
अजय देवगणने ट्वीट केले की, “पंतप्रधान मोदी यांनी फिल्म इंडस्ट्रीने केलेली मागणी मान्य करत त्यावर त्वरित कारवाई केली आहे. याबद्दल त्यांचे धन्यवाद!’
अक्षय कुमारनेही पंतप्रधानांचे आभार मानत लिहिले की, पंतप्रधान मोदी यांच्यासोबत काही दिवसांपूर्वीच झालेल्या मुलाखतीनंतर तातडीने निर्णय घेण्यात आला. सरकारने आमचे म्हणणे ऐकले आणि तिकिटांवरील जीएसटी दर कमी केले. यानिर्णयाचे चित्रपटसृष्टीसह प्रेक्षकांकडूनही स्वागत आहे.