सिद्धूसोबत काम करणं बंद कर , पुलवामा हल्ल्यानंतर संतापलेल्या नेटकऱ्यांच्या कपिलला इशारा
सिद्धूसोबत काम करणं बंद कर नाहीतर तुझा शो पाहणं बंद करू अशा इशारा संतापलेल्या नेटकऱ्यांनी कॉमेडिअन कपिल शर्माला दिला आहे.
‘दशतवादाला धर्म, देश नसतो पाकिस्तानशी चर्चा करून तोडगा काढवा’ अशी मवाळ भाषा वापरत पाकिस्तानची पाठराखण करणाऱ्या माझी क्रिकेटपटू आणि काँग्रेसचे नेते नवज्योत सिंग सिद्धूवर नेटकरी संतापले आहेत. नवज्योत सिंग सिद्धू सध्या कपिलच्या ‘द कपिल शर्मा शो’मध्ये परीक्षक म्हणून काम पाहत आहे. त्यामुळे कपिलनं पाकिस्तानची पाठराखण करणाऱ्या सिद्धूसोबत काम करणं थांबवावं अन्यथा आम्ही तुझा शो पाहणं बंद करू असा इशारा नेटकऱ्यांनी दिला आहे.
@SonyTV @KapilSharmaK9 We request you to expel @sherryontopp from The Kapil Sharma Show & show courtesy to nation where you earn revenue. Removing him would be great tribute to our martyrs of Pulwama,else we would boycott this show henceforth@TajinderBagga#ExpelSidhuFromTKSS pic.twitter.com/CiK97QToBZ
— NishantS
पुलवामा येथील दहशतवादी हल्ल्यात ३९ जवान शहीद झाले. सुटी संपवून सेवेत रुजू होणाऱ्या २, ५४७ जवानांना ७० वाहानांतून नेले जात होते यावेळी सीआरपीएफचा ताफा अवंतीपुराला पोहोचताच आत्मघातकी वाहनं ताफ्याला धडकले. या हल्ल्यात ७६ व्या बटालियन वाहानाच्या चिंधड्या उडाल्या आणि अन्य वाहानांचीही मोठी हानी झाली. या हल्ल्याचा जगभरातून निषेध होत आहे. कपिलनंदेखील या हल्ल्याचा निषेध केला. या हल्ल्यात शहीद झालेल्या जवानांना त्यानं श्रद्धांजली वाहिली तर जखमींच्या तब्येतीत सुधारणा व्हावी यासाठी त्यानं प्रार्थना केली.
मात्र नवज्योत सिंग सिद्धू यांच्या वक्तव्यामुळे वड्याचं तेल वांग्यावर निघालं आहे. जोपर्यंत कपिल आणि चॅनेल नवज्योत सिंग सिद्धूवर सोबत काम करणं बंद करत नाही तोपर्यंत कपिल आणि वाहिनीला बहिष्कृत केलं जाईल असा इशाराही नेटकऱ्यांनी दिला आहे.