नांदेड-पुणे महामार्गावर सोडलेल्या ट्रॅक्टरच्या ट्रॉलीवर दोन दुचाकी धडकून दुचाकी स्वार गंभीर जखमी, जखमींना रुग्णवाहिकेतून पाठवून परतले, तोपर्यंत दुसरा अपघात
![Two-wheeler collided with an abandoned tractor trolley on Nanded-Pune highway, two-wheeler rider seriously injured, the injured were sent back in an ambulance, another accident](https://mahaenews.com/wp-content/uploads/2022/07/Two-wheeler-collided-with-an-abandoned-tractor-trolley-on-Nanded-Pune-highway-two-wheeler-rider-seriously-injured-the-injured-were-sent-back-in-an-ambulance-another-accident.jpg)
परभणी: अंधारामध्ये काहीच न दिसल्यामुळे नांदेड-पुणे महामार्गावर सोडलेल्या ट्रॅक्टरच्या ट्रॉलीवर दोन दुचाकी धडकून दुचाकी स्वार गंभीर जखमी झाले आहेत. या विचित्र अपघातामध्ये संतोष गडमवाड, रेशमाजी पोळ असे जखमी झालेल्या दुचाकी स्वरांची नावे आहेत. जखमींवर नांदेड येथे उपचार करण्यात येत आहेत.
नांदेड पुणे महामार्गावर पालम तालुक्यातील सातेगाव पाटीजवळ लोहयाकडे विटा घेऊन जात असलेल्या ट्रॅक्टरच्या ट्रॉलीचे टायर पंचर झाल्यामुळे ट्रॅक्टर चालकाने ट्रॉली महामार्गावर सोडून हेड घेऊन निघून गेला. अंधार असल्यामुळे ट्रॉली दिसत नव्हती. याचवेळी पालम वरून लोह्याकडे दुचाकी वरून जाणारे संतोष गडमवाड ट्रॉलीला पाठीमागून धडकले. त्याच्यात ते गंभीर जखमी झाले असून त्यांच्या एक पाय फ्रॅक्चर झाला आहे. कानातून आणि नाकातून रक्तस्त्राव होत होता.
अपघाताची माहिती समजताच पेठ शिवणी येथील मृत्युंजय दूत भगवान करंजे, रमेश शिनगारे, बालाजी बर्डे, विठल करंजे घटनास्थळी येऊन अपघातग्रस्ताला तातडीने उचलून नांदेड कडे ॲम्बुलन्सच्या माध्यमातून पाठवून लोहापर्यंतसोबत जाऊन त्यांच्या नातेवाईकांच्या स्वाधीन करून परत गावाकडे निघालो होते.
त्याचवेळी त्यांना त्याच ठिकाणी दुसरा अपघात झाल्याची माहिती मिळाली. घटनास्थळी मृत्युंजय दूत पुन्हा पोहोचले असता त्यांना पालम तालुक्यातील फळा येतील गणेश रेशमाजी पोळ हे दुचाकीवरून उभ्या असलेल्या ट्रॉलीला धडकल्याचे दिसून आले. त्यानंतर रुग्णवाहिका बोलून त्यांना पुढील उपचारासाठी नांदेड येथे पाठवण्यात आले.
सदरील अपघाताची माहिती पालम पोलीस स्टेशनला कळविण्यात आली. त्यानंतर तात्काळ पोलीस निरीक्षक प्रदीप काकडे यांनी कर्मचाऱ्यांचा घटनास्थळी भेट देऊन पाहणी केली आहे.