शेतीचे काम करताना तरुण शेतकऱ्याचा दुर्दैवी मृत्यू
बुलडाणाः ट्रॅक्टरने शेतीची मशागत करीत असताना रोटावेटरमध्ये अडकून ३५ वर्षीय तरुण शेतकऱ्यांचा दुर्दैवी मृत्यू झाल्याची घटना तालुक्यातील टाकळी वतपाळ शेतशिवारात घडली आहे. शुक्रवारी दुपारच्या सुमारास शत्रुघ्न समाधान तितरे वय ३५ वर्षे राहणार हिंगणे गव्हाड असे मृतक शेतकऱ्याचे नाव आहे.
प्राथमिक माहितीनुसार, शत्रुघ्न समाधान तितरे टाकळी वतपाळ येथील वासुदेव जमाव यांच्या शेतात रोटावेटरने शेतीची काम करीत असताना रोटावेटरमध्ये अडकून त्याचा जागीच मृत्यू झाला. सदर घटनेची माहिती टाकळी वतपाळ येथील गावकऱ्यांना मिळताच सर्व गावकरी मदतीसाठी घटनास्थळी दाखल होऊन सदर घटनेची माहिती चांदुर बिस्वा येथील पोलीस स्टेशनला दिली. घटनास्थळी पोलीस दाखल झाले असून पुढील तपास सुरू आहे.
पाऊस पडल्याने जिल्ह्यात शेतीच्या कामाला वेग आला आहे. पारंपारिक शेतीबरोबरच आधुनिक शेतीसाठी यंत्राचा वापर केला जातो. ट्रॅक्टर, रोटावेटर मशीन लावून शेतीची काम केली जातात. मशीन हाताळताना चूक झाली तर असे अपघात समोर येतात. गावात तरुण शेतकऱ्याचा मृत्यू झाल्याने सर्वत्र हळहळ व्यक्त केली जात आहे.
शत्रुघ्न हे शेतात काम करत होते. ट्रॅक्टर चालवत होते. ट्रॅक्टरला रोटावेटर मशीन लावली होती. पण शेतात काम करत असताना त्यांचा तोल गेला ते रोटावेटरमध्ये अडकले. त्यामुळे मशीनमध्ये अडकल्याने त्यांचा मृत्यू झाला. त्यांना गंभीर दुखापत झाली. त्यांचा आजाव ऐकून बाजूच्या शेतात काम करणाऱ्यांनी धाव घेतली तोपर्यंत त्यांचा मृत्यू झाला होता.