पुणे : राज्यात महिला अत्याचाराच्या घटना काही थांबण्याचं नाव घेत नाहीयेत. अशात पुण्यात अल्पवयीन मुलीवर लैंगिक अत्याचार झाल्याची धक्कादायक घटना समोर आली आहे. सगळ्यात धक्कादायक म्हणजे स्कूल बस चालकाने अल्पवयीन मुलीवर लैगिंक अत्याचार केला आहे. या घटनेमुळे संपूर्ण परिसरात खळबळ उडाली आहे.
मिळालेल्या माहितीनुसार, स्कूल बस चालकाने शाळेतल्या १५ वर्षीय अल्पवयीन मुलीला आपण रिलेशनशिपमध्ये राहू या असं सांगितलं. पण नेमकं रिलेशनशिप काय प्रकार असतो हेसुद्धा पीडित मुलीला माहित नव्हतं. त्याच्या गैरफायदा घेऊन आरोपीने मुलीवर मार्च आणि जूनमध्ये तीन ठिकाणी नेऊन तिच्यावर बलात्कार केला. या प्रकरणी कोंढवा पोलीस ठाण्यात गुन्हा दाखल करण्यात आला असून आरोपीला अटक करण्यात आली आहे.
सोमेश्वर घुळे पाटील वय ३५ रा वडाची वाडी असं या आरोपीचं नाव आहे. या घटनेबाबत कोंढवा पोलिसांनी पोस्को अंतर्गत गुन्हा दाखल केला आहे. याबाबत पोलिसांनी दिलेल्या माहितीनुसार, पीडिता मुलगी आरोपीच्या स्कूल बसमधून शाळेतून घरी येत-जात असायची, त्यावेळत त्यांची चांगली ओळख झाली.
या ओळखीचा फायदा घेत आरोपी पीडित मुलीला बोलला की, आपण रिलेशनशिपमध्ये राहू. नेमकं रिलेशनशिप म्हणजे काय असतं पीडिततेला माहितं नव्हतं. याचा गैरफायदा घेत आरोपीने अल्पवयीन मुलीला ३ वेळा वेगळ्या-वेगळ्या ठिकाणी नेऊन तिचावर बलात्कार केला. ही सर्व हकीकत मुलीने दोन महिन्यानंतर तिच्या आईला सांगितली आणि एकच खळबळ उडाली. घरच्यांनी तात्काळ कोंढवा पोलीस स्टेशनमध्ये धाव घेतली. कोंढवा पोलिसांनी आरोपीला अटक केली आणि पोस्को अंतर्गत गुन्हा दाखल करण्यात आला याबाबत अधिक तपास कोंढवा पोलीस करत आहे.
