वर्ध्यात खळबळ! शाळेत जात असताना १३ वर्षीय विद्यार्थिनीचा चाकूच्या धाकावर अपहरण करून धावत्या कारमध्येच…
![Excitement in Vardha! While going to school, a 13-year-old student was abducted at knifepoint in a running car...](https://mahaenews.com/wp-content/uploads/2022/08/Excitement-in-Vardha-While-going-to-school-a-13-year-old-student-was-abducted-at-knifepoint-in-a-running-car....jpg)
वर्धा: शाळेत जात असताना १३ वर्षीय विद्यार्थिनीचा चाकूच्या धाकावर अपहरण करून धावत्या कारमध्येच बलात्कार करण्यात आला. ही खळबळजनक घटना पुलगावात घडली. पोलिसांनी दोघांना अटक करून बुधवारी न्यायालयात सादर केले असता त्यांना पाच दिवसांची पोलिस कोठडी सुनावण्यात आली आहे.
या घटनेतील पीडित पुलगावातील विद्यार्थिनी दररोज सकाळच्या सुमारास शाळेत जाते. मंगळवारी शाळेच्या प्रवेशद्वारावर पोहचली असतानाच, सुमेध मेश्राम व अन्य एकाने तिला चाकूचा धाक दाखवून बळजबरीने कारमध्ये बसविले. नंतर धावत्या कारमध्येच विद्यार्थिनीवर बलात्कार केला. याविषयी कुणाला सांगितल्या जीवे मारण्याची धमकी दिली. हादरलेल्या विद्यार्थिनीने आपल्यावरील अत्याचाराविषयी आईवडिलांना सांगितले. त्यांनी तातडीने पोलिस ठाणे गाठून सुमेध आणि गाडी चालकाविरुद्ध तक्रार दाखल केली.
दिव्यांग महिलेवर अत्याचार
भंडारा : एका ३२ वर्षीय दिव्यांग महिलेवर अत्याचार करण्यात आल्याची घटना लाखनी तालुक्यातील सोमलवाडा येथे बुधवारी दुपारच्या सुमारास घडली. या प्रकरणी लाखनी पोलिसांनी अत्याचारासह अपंग अधिनियमान्वये गुन्हा नोंदविला आहे. विशेष सोमदेव शेंडे (४५ रा. सोमलवाडा) असे आरोपीचे नाव आहे.