अमरावतीत गुन्हेगारांना भीतीच राहिली नाही, दोघांच्या भांडणात १३ वर्षीय मुलीला चुकून लागली गोळी, अमरावतीत खळबळजनक घटना
![Criminals have no fear in Amravati, a 13-year-old girl was accidentally shot in a fight between two, a sensational incident in Amravati](https://mahaenews.com/wp-content/uploads/2022/08/Criminals-have-no-fear-in-Amravati-a-13-year-old-girl-was-accidentally-shot-in-a-fight-between-two-a-sensational-incident-in-Amravati.png)
अमरावती : अमरावतीत गुन्हेगारांना भीतीच राहिली नाही, असंच म्हणावं लागेल. कारण, अमरावती शहरात आज एका लहान मुलीवर गोळीबार झाल्याची धक्कादायक घटना घडली आहे. यामुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, अमरावती शहराला हादरवून सोडणाऱ्या चारा बाजार परिसरात झालेल्या फायरिंगमध्ये धक्कादायक माहिती समोर आली आहे. मिळालेल्या माहितीनुसार, परफेक्ट चिकन सेंटरचा मालिक जुबेर खान व अहमद यांच्यामध्ये दुपारी वाद झाला होता. या प्रकरणात जीवे मारण्याची धमकी दिली होती. दरम्यान, जुबेर खान येणे त्या वेळेच्या मधात आपल्या दुकानात तीन तलवारी आणि पिस्तूल आणून ठेवल्याची माहिती समोर येत आहे.
अहमद काही लोकांना घेऊन जुबेर खानवर हल्ला करण्यासाठी निघाला होता. जुबेर खान आणि अहमद यांच्यामध्ये जोरदार चकमक झाली. तेव्हा जुबेर खानने आपल्याजवळ असलेल्या पिस्तूलमधून तीन फायर केले. त्यापैकी एक गोळी ही रस्त्याने जाणाऱ्या तेरा वर्षीय मुलीला लागली. अहमद खानला जोरदार मारहाण केल्याची माहिती देण्यात आली आहे.