मेसेज करा अन् खड्डे बुजवा!, मुंबईकरांसाठी BMC, MMRDA चे हे व्हॉट्सअॅप क्रमांक जाहीर
मुंबई : मुंबईत पाऊस आणि खड्डे हे दरवर्षी न चुकणारे समीकरण आहे. रस्तेकामांसाठी कोट्यवधी रुपये खर्च केले तरी खड्डे कायम असतात. दरवर्षीप्रमाणे यंदाही महापालिकेने खड्ड्यांच्या तक्रारींसाठी यंत्रणा सज्ज केली आहे. मात्र यंदाचे वैशिष्ट्य म्हणजे पालिका आणि एमएमआरडीए या दोन यंत्रणा समन्वय साधून खड्डे बुजवणार आहेत. मुंबईकरांना खड्ड्यांच्या तक्रारी करता याव्यात, यासाठी दोन्ही यंत्रणाच्या अधिकाऱ्यांचे व्हॉटसअॅप क्रमांक जाहीर करण्यात आले आहेत.
पालिकेच्या अखत्‍यारितील रस्‍त्‍यांवर पावसाळ्यात मोठ्या प्रमाणात खड्डे पडतात. त्यापाठोपाठ एमएमआरडीएच्या रस्त्यांवरही खड्डे असतात. मेट्रोच्या कामांमुळेही खड्डे आणि चर पडण्याच्या तक्रारी नोंद होत असतात. मात्र या सर्व खड्ड्यांचे खापर पालिकेवर फुटते. नागरिक पालिकेकडे तक्रारी करून त्यांची दखल घेण्याची मागणी करतात. नागरिक व काही संस्था या खड्ड्यांसंबंधीच्या तक्रारी एमएमआरडीएकडेही करीत असतात. मात्र त्यांचे निरसन होत नसल्याने नागरिकांच्या रोषाला पालिकेला सामोरे जावे लागते.
मुंबईत २५.३३ किमी लांबीचा पश्चिम द्रुतगती महामार्ग, २५.५५ किमी लांबीचा पूर्व द्रुतगती महामार्ग आणि वांद्रे-कुर्ला संकुल परिसरातील रस्ते हे एमएमआरडीएच्या अखत्‍यारित येतात. त्यासाठी यंदा प्रथमच एमएमआरडीएच्या २६ अधिकाऱ्यांचेही व्हॉटसअॅप नंबर प्रसिद्ध करण्यात आले आहेत. विविध वॉर्डात मोठ्या अक्षरात बॅनर/फ्लेक्स/ बोर्ड प्रदर्शित केले जाणार आहेत. यावर दोन्ही यंत्रणांच्या अधिकाऱ्यांचे संपर्क क्रमांक असणार आहेत.
मुंबईत एकूण रस्ते : २५०० किमी
पालिकेच्या अखत्यारीत : २०५५ किमी
एमएमआरडीएकडे : ५५ किमी
तीन हजार मेट्रिक टन कोल्डमिक्स
खड्डे बुजवण्यासाठी यंदाही कोल्डमिक्सचा वापर केला जाणार आहे. यंदा तब्बल तीन हजार मेट्रिक टन कोल्डमिक्स तयार केले जाणार आहे. आतापर्यंत २४ विभागांमध्ये १,३२५ मेट्रिक टन कोल्डमिक्सचे वाटप करण्यात आले. २४ विभागांकडून ३०९९ मेट्रिक टन कोल्डमिक्सची मागणी करण्यात आली आहे. मागणीनुसार सुमारे ७० टक्के कोल्ड मिक्सचे वितरण पावसाळ्यापूर्वी आणि त्यानंतर पावसाळ्यात मागणीनुसार व विभागांच्या साठवणूक क्षमतेनुसार वितरण करण्यात येणार आहे. यासाठी सहा कोटी रुपये खर्च केले जाणार आहेत.
खड्ड्यांबाबत येथे करा तक्रार
नागरिकांना मोबाइल अॅपवर खड्ड्यांच्या छायाचित्रासह तक्रार करता येणार आहे. ४८ तासांत खड्डे बुजवण्याची ग्वाही पालिकेने दिली आहे. @mybmc वर ट्वीट करता येईल किंवा mcgm.gov.in या वेबसाइटवर तक्रार करता येईल. तसेच MCGM 24×7 हे अॅप सुरू केले असून, ते तुम्हाला प्ले स्टोअरमधून डाऊनलोड करता येणार आहे. खड्ड्यांच्या तक्रारीसाठी १८००२२१२९३ हा टोल फ्री क्रमांक आहे. पालिकेच्या आपत्कालीन व्यवस्थापन नियंत्रण कक्षातील १९१६ या क्रमांकासह व्हॅटसअॅप चॅटबोटवरही तक्रार करता येईल
एमएमआरडीए/मेट्रोच्या खड्ड्यांसाठी
८६५७४०२०९०
टोल फ्री क्रमांक १८००२२८८०१
०२२-२६५९१२४१
०२२-२६५९४१७६
पालिका अधिकाऱ्यांचे क्रमांक
कुलाबा ए ८८७९६५७६९८
सँडर्हस्ट रोड बी ८८७९६५७७२४
चंदनवाडी सी ८८७९६५७७०४
ग्रँट रोड डी ८८७९६५७६९४
भायखळा ई ८८७९६५७७१२
एफ-उत्तर ८८७९६५७७१७
परळ एफ-दक्षिण ८८७९६५७६७८
दादर जी-उत्तर ८८७९६५७६८३/७७५८
वरळी जी-दक्षिण ८८७९६५७६९३
वांद्रे एच-पूर्व ८८७९६५७६७१
वांद्रे एच-पश्चिम ८८७९६५७६३३
अंधेरी के-पूर्व ८८७९६५७६५१
अंधेरी के-पश्चिम ८८७९६५७६४९
गोरेगाव पी-दक्षिण ८८७९६५७६६१
मालाड पी-उत्तर ८८७९६५७६५४
कांदिवली आर-दक्षिण ८८७९६५७६५६
बोरीवली आर-उत्तर ८८७९६५७६३६
दहिसर आर-मध्य ८८७९६५७६३४
कुर्ला एल ८८७९६५७६२२/१०/१४
चेंबूर एम-पूर्व ८८७९६५७६१५
चेंबूर एम-पश्चिम ८८७९६५७६०८/०२/१२
घाटकोपर एन ८८७९६५७६१७/०५
विक्रोळी एस ८८७९६५७६०३/११
मुलुंड टी ८८७९६५७६०९
