आम आदमी पार्टी औरंगाबाद मनपाच्या सर्व जागा लढविणार; पत्रकार परिषदेत घोषणा
![Aam Aadmi Party will contest all the seats of Aurangabad Municipal Corporation; Announcement at the press conference](https://mahaenews.com/wp-content/uploads/2022/06/आम-आदमी-पार्टी-औरंगाबाद-मनपाच्या-सर्व-जागा-लढविणार.jpg)
औरंगाबाद : औरंगाबाद महापालिका निवडणुका जवळ येऊ लागल्याने सर्व राजकीय पक्ष कामाला लागले आहेत. निवडणुकीच्या तोंडावर शहराच्या पाणीप्रश्नावर राजकारण तापलं आहे. तोच आता आम आदमी पार्टीदेखील औरंगाबाद मनपाच्या सर्व जागा लढविणार असल्याची घोषणा पक्षाच्या वतीने पत्रकार परिषदेत केली.
दिल्ली आणि पंजाबमध्ये आलेल्या यशानंतर आता आपने आपला मोर्चा महाराष्ट्रकडे वळवला आहे. महाराष्ट्रातीलही सर्व निवडणुका आम आदमी पक्ष लढविणार असल्याचे माहिती देखील पक्षाच्यावतीने पत्रकार परिषदेत देण्यात आली. औरंगाबाद महापालिकेच्या सर्व जागा आम आदमी पार्टी लढविणार आहे.
निवडणुकीत पक्षाच्या प्रचाराला पक्षप्रमुख अरविंद केजरीवाल येणार असल्याची माहिती यावेळी दिली. पक्षाची पुर्ण तयारी झाली असून सर्व कार्यकर्ते निवडणुकीसाठी तयार असल्याची माहिती माहाराष्ट्र निवडणूक प्रभारी महादेव नाईक यांनी दिली आहे.