१६ डब्यांची बुलेट ट्रेन, बीकेसीत भुयारी टर्मिनस; कसं सुरु आहे बुलेट ट्रेनचं काम?

जागेचा ताबा सप्टेंबरअखेर

– सत्तांतर झाल्यानंतर रखडलेल्या बुलेट ट्रेन प्रकल्पाला गती देण्यासाठी सरकारच्या आदेशानुसार मुंबई महानगर प्रदेश विकास प्राधिकरणाने महापालिकेला करोना केंद्राची जागा रिकामी करण्याच्या सूचना

– सप्टेंबरअखेर बीकेसीतील जागा ‘एनएचआरसीएल’च्या ताब्यात मिळण्याची शक्यता

वर्षाखेरीस कंत्राटदाराची नियुक्ती

– मुंबई-अहमदाबाद बुलेट ट्रेन टर्मिनसवरील एकमेव आणि देशातील पहिल्या भुयारी बुलेट ट्रेन टर्मिनसचा आराखडा आणि बांधणीसाठी २२ जुलैला निविदा मागवल्या

– या निविदा २१ ऑक्टोबरला उघडण्यात येणार

– निविदांची छाननी केल्यानंतर साधारण वर्षाखेरीस कंत्राटदार निश्चित करण्यात येईल; ‘एनएचआरसीएल’ची माहिती

४१५ मीटर लांबीचे फलाट

– १६ डब्यांची बुलेट ट्रेन चालवण्याचे नियोजन

– त्यासाठी बुलेट ट्रेनच्या फलाटांची लांबी ४१५ मीटर असणार

– या टर्मिनसला मेट्रो आणि रस्ते मार्गांची थेट जोडणी असेल

– जमिनीपासून २४ मीटर आत फलाट असणार

– या ठिकाणी एकूण तीन मजले उभारणे प्रस्तावित

– या मजल्यावर प्रवासी मनोरंजन आणि अन्य सुविधा उभारण्यात येणार

नैसर्गिक प्रकाशाचा वापर

– प्रवासी सुरक्षेसाठी सीसीटीव्ही, प्रवासी उद्घोषणा यंत्रणा, प्रतीक्षालय, तिकीट खिडक्या, नर्सरी आणि अन्य सुविधा उभारणार

– टर्मिनस प्रवेशासाठी सध्याच्या एमटीएनएल इमारतीच्या दिशेने प्रवेशगेट प्रस्तावित

– नैसर्गिक प्रकाश थेट फलाटावर येईल, असा आराखडा तयार करणार; ‘एनएचआरसीएल’ची माहिती