पुणे : महाराष्ट्राची सांस्कृतिक राजधानी म्हटल्या जाणाऱ्या पुणे जिल्ह्यात एकाच कुटुंबातील चार जणांचा मृतदेह घरात आढळून आल्याने परिसरात खळबळ उडाली आहे. पोलिसांच्या प्राथमिक तपासात हे सामूहिक आत्महत्येचे प्रकरण असल्याचे दिसून येत आहे. सध्या तरी पोलिसांनी याबाबत काहीही दुजोरा दिलेला नाही. घटनेची माहिती मिळताच स्थानिक पोलीस घटनास्थळी पोहोचले आणि त्यांनी प्रथम मृतदेह आपल्या ताब्यात घेतले आणि त्यानंतर चार जणांचे मृतदेह शवविच्छेदनासाठी पाठवले. ही घटना पुण्यातील मुंढवा भागातील केशव नगरची आहे. सध्या पोलीस या प्रकरणाचा अधिक तपास करत आहेत. पुणे पोलिस अधिकार्यांनी दिलेल्या माहितीनुसार, मृत कुटुंबातील चार लोकांचे मृतदेह सापडले आहेत, ज्यात दाम्पत्य, त्यांचा 24 वर्षांचा मुलगा आणि 17 वर्षांची मुलगी यांचा समावेश आहे.
ही घटना शुक्रवारी रात्रीची आहे. पोलिसांनी दिलेल्या माहितीनुसार, दीपक थोटे (55), त्यांची पत्नी इंदू (45), त्यांचा मुलगा (24) आणि मुलगी (17) हे केशव नगर येथील त्यांच्या घरी मृतावस्थेत आढळले. शुक्रवारी रात्री चौघांचे मृतदेह बाहेर काढण्यात आले.
विषबाधेमुळे मृत्यू!
पोलिसांनी दिलेल्या माहितीनुसार, तपासादरम्यान घटनास्थळावरून कोणतीही सुसाइड नोट सापडलेली नाही. मात्र, पोलीस सध्या प्रत्येक बाजूने तपास करत आहेत. तसेच मृताच्या कुटुंबाचे काही आर्थिक नुकसान झाल्याची माहिती पोलिसांना मिळाली आहे. त्यामुळे कुटुंबात तणावाचे वातावरण होते. या तणावातून कुटुंबीयांनी विष प्राशन करून मृत्यूला कवटाळले.