पाकिस्तानच्या क्रिकेटरला भारताच्या ‘डिंपल गर्ल’ची भुरळ, खास फोटो शेअर करत म्हणाला; “माझी सर्वांत…”
जगभरात क्रिकेट हा खेळ चांगला लोकप्रिय आहे. क्रिकेटसोबतच बॉलिवूडचीही चर्चा जगभरात होत असते. क्रिकेट आणि बॉलिवूडचं तसं खास नातं आहे. आयपीएल तसेच अन्य क्रिकेट स्पर्धांमध्ये ते स्पष्टपणे दिसून येतं. दरम्यान, आता पाकिस्तानच्या एका माजी क्रिकेटपटूला बॉलिवूडमधील ‘डिंपल गर्ल’ अर्थात प्रीति झिंटाची भुरळ पडली आहे. त्याने प्रीति झिंटासोबतचा एक खास फोटो ट्विटरवर शेअर केला आहे. प्रीति झिंटा माझी सर्वात आवडती अभिनेत्री असल्याचे त्याने म्हटले आहे.
पाकिस्तानचा माजी वेगवान गोलंदाज मोहम्मद आमीरने सध्या कॅरेबियन प्रिमियर लीगमध्ये(सीपीएल) खेळतोय. तो सध्या जमायका तल्लावाह संघाचे प्रतिनिधित्व करतोय. बुधवारी जमायका तल्लावाह आणि सेंट लुसिया किंग्ज या दोन संघांमध्ये लढत झाली. यावेळी प्रीति झिंटाने मोहम्मद आमीरसोबत एक सेल्फी घेतला. तोच फोटो आमीरने आपल्या ट्विटर अकाऊंटवर शेअर केला आहे. तसेच या फोटोसोबत त्याने ‘बॉलिवूडमधील माझी सर्वात आवडती अभिनेत्री’ असे कॅप्शनही दिले आहे.
my all time favourite from bollywood @realpreityzinta pic.twitter.com/vwLG0Ga4gE
— Mohammad Amir (@iamamirofficial) September 8, 2022