यवतमाळ जिल्ह्यातील उमरखेड तालुक्यातील धक्कादायक प्रकार

Adhikrao Dive PatilAugust 20, 2022

0 392 Less than a minute

Shocking type in Umarkhed taluka of Yavatmal district

यवतमाळ : उमरखेड तालुक्यातील विडुळ येथील प्राथमिक आरोग्य केंद्राच्या प्रतिक्षा खोलीत शुक्रवारी सायंकाळी ८.३० वाजेच्या सुमारास एका महिलेची प्रसूती झाली यात नवजात बाळ दगावले असल्याचा धक्कादायक प्रकार घडला आहे. या घटनेमुळे सर्वत्र संताप व्यक्त होत आहे.

शुभांगी सुदर्शन हापसे ( वय २१ ) ही महिला प्रसुतीसाठी माहेरी विडुळ येथे आली होती. शुक्रवारी तिचे वडील माधव सावंतकर यांच्यासह ती येथील प्राथमिक आरोग्य केंद्रात पोहोचली. त्यावेळी तेथे कोणीच उपस्थित नव्हते पण प्रसूती कळा सुरू झाल्यानंतर त्यात नवजात बाळ दगावले.या घटनेनंतर नागरिकांनी रोष व्यक्त केला. सर्वात मोठे प्राथमिक आरोग्य केंद्र असूनही आरोग्याची दैना अवस्था झाली आहे. शुक्रवारी प्रतीक्षालयातच महिलेची प्रसूती होऊन बाळ दगावल्याने नागरिकांमधून संताप व्यक्त होत आहे. या घटनेनंतर काही काळाने डॉक्टर तेथे पोहोचले त्यांनी बाळ व महिलेला उमरखेडच्या उपजिल्हा रुग्णाला रवाना केले.