अजित पवार यांच्या उमेदवारीच्या वेळी त्यांच्या पाठीशी उभ्या असलेल्या पाच महिला कोण आहेत?

पुणे : बारामती विधानसभा निवडणुकीसाठी राष्ट्रवादी काँग्रेसचे अध्यक्ष आणि उपमुख्यमंत्री अजित पवार यांनी आज आपला उमेदवारी अर्ज दाखल केला. उमेदवारी अर्ज दाखल करण्यासाठी अजित पवार पुणे जिल्ह्यातील तहसील कार्यालयात पोहोचले असता त्यांच्यासोबत माझी लाडकी बहिण योजनेच्या लाभार्थ्यांचा एक गट होता. त्यांच्या समर्थकांनी शक्तिप्रदर्शन म्हणून भव्य रॅली काढली. उमेदवारीच्या वेळी त्यांचे चिरंजीव पार्थ पवार, जय पवार यांच्यासह अन्य राजकीय नेते उपस्थित होते.

लाभार्थीच झाले समर्थक

अजित पवार यांच्यासोबत आलेल्या महिलांनी गुलाबी रंगाचे कपडे परिधान केले होते, महिलांनी या योजनेमुळे त्यांचे आयुष्य कसे बदलले याची वैयक्तिक कहाणी सांगितली. नसीम सलिम बागवान यांनी अजितदादांचे कौतुक करताना अजितदादांना ‘बारामतीचे हृदय’ असे संबोधले, त्या म्हणाल्या की, योजनेचे पैसेही मिळाले, ज्यातून त्यांनी आपल्या दुकानासाठी वस्तूं विकत घेऊन आणि आपला छोटासा व्यवसाय वाढवला. या योजनेची अंमलबजावणी होणार नाही, असा विरोधकांचा दावा आहे, मात्र महिलांना पाच महिन्यांचा हप्ता मिळाला आहे, असे नीता अमित शहा यांनी सांगितले. आशा सोमनाथ आरडे यांनी अजित पवारांचे कौतुक करताना सांगितले की, या योजनेचा मला खूप फायदा झाला असून अजितदादांनी मुख्यमंत्री व्हावे अशी इच्छा यावेळी त्यांनी व्यक्त केली. प्रिया धनराज भडगर या महिलेने सांगितले की,लाडकी बहीण योजनेतून मिळालेल्या पैशांमुळे तिला बांगड्यांच्या व्यवसायात मदत होत आहे, मिळालेल्या पैशातून तिने विविध प्रकारच्या बांगड्या खरेदी केल्या आणि आपला व्यवसाय वाढविण्यात मदत केली.

महायुती सरकारकडून या योजनेअंतर्गत राज्यातील महिलांना ऑगस्टपासून साडेसात हजार रुपयांची आर्थिक मदत मिळाली आहे. या पैशांमुळे महिलांना आपला छोटासा व्यवसाय वाढवण्यापासून ते मुलांची फी भरण्यापर्यंत मदत झाली आहे. सरकार सत्तेत आल्यानंतर या योजनेचा लाभ वाढेल, अशी आशा या महिलांनी व्यक्त केली आहे. राज्यातील अडीच कोटींहून अधिक महिलांपर्यंत या योजनेचा पैसा पोहोचला असून महिलांमध्ये ही योजना प्रचंड लोकप्रिय आहे.

हेही वाचा –  देवेंद्र फडणवीसांनी काढला हुकमी एक्का.. : पिंपरी-चिंचवड भाजपा शहराध्यक्षपदी शत्रुघ्न काटे

स्त्रियांची उपस्थिती अधिक

माझी लाडकी बहीण योजना ही महायुती सरकारने सुरू केलेली महत्त्वपूर्ण महिला सक्षमीकरण योजना आहे. अर्थखात्याची धुरा सांभाळणाऱ्या अजित पवार यांनी यंदाच्या अर्थसंकल्पात या योजनेची घोषणा केली आणि या योजनेसाठी ४६ ००० कोटी रुपयांची तरतूद केली. या योजनेअंतर्गत महिलांना १५०० रुपयांची आर्थिक मदत दिली जाते; अडीच कोटींहून अधिक महिलांना या योजनेचा लाभ मिळाला आहे. ‘माझी लाडकी बहीण’ असे नाव असलेल्या या योजनेचे उद्दिष्ट महिलांचे सक्षमीकरण आहे. आपल्या अर्थसंकल्पीय योजनेत, महिला सक्षमीकरणासाठी आपली वचनबद्धता अधोरेखित करताना ते म्हणाले की, “महिला ही कुटुंबासाठी शक्तीचा आधारस्तंभ आहे.
ती आता संपूर्ण समाजाचा केंद्रबिंदू बनली आहे. कुटुंब सांभाळणे आणि उत्पन्न मिळविणे या दोन्ही आघाड्यांवर ती झगडते. एकट्याने कुटुंबाची काळजी घेणाऱ्या आणि यशस्वी मुलांचे संगोपन करणाऱ्या स्त्रियाही आपण पाहतो. आपल्या बहिणींसाठी संधीची दारे खुली करणे आणि त्यांना प्रोत्साहन देणे हे सरकार म्हणून आमचे कर्तव्य आहे.

नसीम सलिन बागवान, नीता अमित शहा यांच्यासारख्या महिला अजित पवार यांच्या महिला सक्षमीकरणाच्या बांधिलकीची साक्ष देतात. याचे प्रतिबिंब त्यांच्या कथांमधून उमटते. अजित पवार यांच्या राज्यव्यापी जनसन्मान यात्रा आणि त्यांच्या जाहीर सभांमध्ये महिलांचा लक्षणीय सहभाग होता. अजित पवार यांनी आपल्या सर्व व्यासपीठांवर या योजनेची गरज आणि या योजनेमुळे महिलांची स्वप्ने पूर्ण होण्यास कशी मदत होत आहे, याविषयी भाष्य केले आहे. सरकारने दिलेल्या आर्थिक मदतीचा वापर महिला आपल्या गरजा पूर्ण करण्यासाठी कशा प्रकारे करत आहेत, यावरही त्यांच्या प्रचाराचा भर राहिला आहे.