पिंपरी : मुंढव्यातील झगडे पार्क परिसरात संकल्प बंगल्यात दुपारी आग लागली. स्वयंपाकघरात लागलेल्या आगीत आई आणि मुलगा जखमी झाल्याची घटना घडली. गीत अंजली इश्वर सकट (वय ५८) आणि त्यांचा मुलगा जतिन (वय ३२) जखमी झाले. बंगल्यात आग लागल्याची माहिती मिळताच अग्निशमन दलाच्या जवानांनी घटनास्थळी धाव घेतली.
स्वयंपाकघरातील गॅस सिलिंडरमधून गळती होत असल्याचे आढळून आले. जवानांनी तातडीने आग आटोक्यात आणण्यासाठी प्रयत्न सुरू केले. आगीत स्वयंपाक घरातील साहित्य जळाले. आगीत अंजली आणि त्यांचा मुलगा जतिन जखमी झाले. जवानांनी तातडीने त्यांना रुग्णालयात दाखल केले. अग्निशमन अधिकारी प्रमोद सोनवणे, शौकत शेख तांडेल रणदिवे, जगताप, बिचकुले, कवडे, कांबळे यांनी पाण्याचा मारा करुन आग आटोक्यात आणली.
हेही वाचा – जप्त वाहनांच्या ई-लिलावाद्वारे एकाच दिवशी सुमारे ३९ लाख रुपये महसूल जमा
दुसरी घटना उंड्री येथील होले वस्ती परिसरात बुधवारी सकाळी आठच्या सुमारास घडली. तेथे एका भंगार माल दुकानाला आग लागली. आगीत भंगार माल जळाले. अग्निशमन दलाच्या जवानांनी अर्धा तासात आग आटोक्यात आणली. अग्निशमन अधिकारी कैलास शिंदे यांच्या मार्गदर्शनाखाली दहा जवानांनी आग आटोक्यात आणली. घोरपडीतील बी. टी. कवडे रस्त्यावर सोलेस पार्क सोसायटी रोहित्राला आग लागली. जवानांनी पाण्याचा मारा करुन आग आटोक्यात आणली.
