विधायक उपक्रम : कार्यशाळेतून दिला किल्ल्यांच्या संवर्धनाचा संदेश!

पुणे : इंदुरी येथील प्रा. रामकृष्ण मोरे महाविद्यालयाने ऐतिहासिक स्थळे योजनेतंर्गत किल्ले संवर्धन योजनेअंतर्गत इंदुरी किल्ल्यावर कार्यशाळेचे आयोजन करण्याबरोबरच किल्ल्याची साफसफाई केली. यामध्ये विविध महाविद्यालयातील 58 स्वंयसेवक सहभागी झाले होते. इंदुरी येथे प्रा. रामकृष्ण मोरे महाविद्यालयामार्फत जिल्हा स्तरीय किल्ले संवर्धन कार्यशाळा संपन्न झाली. प्रा. रामकृष्ण मोरे कला वाणिज्य व विज्ञान महाविद्यालय आकुर्डी -४४ (स्वायत्त) राष्ट्रीय सेवा योजना विभागामार्फत ऐतिहासिक स्थळे योजनेतंर्गत किल्ले संवर्धन (इंदुरी किल्ला) एक दिवसीय जिल्हा स्तरीय कार्यशाळांचे आयोजन करण्यात आले होते.

या कार्यशाळेत विविध महाविद्यालयातील 58 स्वंयसेवक सहभागी झाले होते. किल्ले संर्वधन उपक्रमाच्या उदघाटन प्रसंगी इंदुरी गावाचे सरपंच निशिकांत शिंदे ,भटकंती सह्याद्री प्रतिष्ठानचे अध्यक्ष निलेश मांडेकर, खजिनदार अनिकेत भांगरे, राहुल कुंभार राष्ट्रीय स्वयंसेवक योजनेचे जिल्हा समन्वयक डॉ सारिका मोहोळ उपस्थित होते. निलेश मांडेकर यांनी विद्यार्थ्यांनी गडाचा इतिहास, दाभाडे घराण्याची इतिहासातील शौर्य परंपरा तसेच गडीतील विविध वास्तूची माहिती आपल्या मनोगतातून स्वयंसेवकांना दिली.

हेही वाचा  :  किसान क्रेडिट कार्ड योजना नेमकी काय आहे?

स्वयंसेवकांनी किल्ल्यामधील कडजाई मंदिर,बापूजीबुवा मंदिर परिसरातील प्लास्टिक संकलन करून परिसर स्वच्छ केला. तसेच गडामध्ये उभारण्यात आलेल्या 66 फूट ध्वजाच्या सभोवतालील बागकाम करून वृक्षारोपण केले.

कार्यशाळा महाविद्यालयाचे प्राचार्य डॉ. अभय खंडागळे, उपप्राचार्य डॉ. एच.बी. सोनवणे,प्रबंधक श्री. संजय झेंडे यांच्या मार्गदर्शनाखाली राष्ट्रीय सेवा योजना जिल्हा समन्वयक डॉ. सारिका मोहोळ , कार्यक्रम अधिकारी डॉ. मधुकर राठोड प्रा. . वैभव साळवे, आणि प्रा.ज्योती झेंडे, प्रा.विक्रांत शेळके, प्रा.मधूजित नाईकवाडी यांनी पार पाडली. तसेच, उपक्रम यशस्वी करण्यामध्ये प्राजक्ता ताम्हणे ,पायल रेणुसे असिफ शेख,निलेश इंगळे, राम मुळे या स्वयंसेवकांचे मोलाचे सहकार्य लाभले.

महाईन्यूज-X वर फॉलो करा : महाईन्यूजला instagram वर फॉलो करा