‘दगडूशेठ’ गणपती ट्रस्टतर्फे ४०० ज्येष्ठांना मोफत श्रवणयंत्र
श्रीमंत दगडूशेठ हलवाई सार्वजनिक गणपती ट्रस्ट; कानाची तपासणी करून श्रवणयंत्र वाटप
पुणे | श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे आणि अॅलिम्को कंपनी यांच्या संयुक्त विद्यमाने सदाशिव पेठेतील फडके हॉल येथे झालेल्या कार्यक्रमात महाराष्ट्रातील तब्बल ४०० ज्येष्ठांना श्रवणयंत्र मोल्ड चे वाटप करण्यात आले. महाराष्ट्राच्या विविध शहरांतून तसेच ग्रामीण भागातून हे ज्येष्ठ नागरिक शिबीरासाठी पुण्यात आले होते.
यावेळी श्रीमंत दगडूशेठ हलवाई सार्वजनिक गणपती ट्रस्टचे अध्यक्ष सुनील रासने, कोषाध्यक्ष महेश सूर्यवंशी, सरचिटणीस व आमदार हेमंत रासने, सहचिटणीस अमोल केदारी, उत्सव प्रमुख अक्षय गोडसे, सुवर्णयुग तरुण मंडळाचे अध्यक्ष प्रकाश चव्हाण यांसह पदाधिकारी व कार्यकर्ते उपस्थित होते.
हेही वाचा : युद्ध जवळपास संपण्याच्या मार्गावर; डोनाल्ड ट्रम्प यांची आशादायी प्रतिक्रिया
सुनील रासने म्हणाले, दगडूशेठ गणपती ट्रस्ट व विविध संस्था, कंपन्या यांच्या संयुक्त विद्यमाने या शिबीरांचे आयोजन करण्यात येत आहे. केवळ पुण्यातच नाही, तर इतरही शहरातून या उपक्रमाला मोठा प्रतिसाद मिळत आहे. यावरुनच समाजातील मोठी व्यथा समोर येत असल्याचे दिसून आले आहे. आजच्या कार्यक्रमात ४०० रुग्णांना यंत्र देण्यात आले.
ते पुढे म्हणाले, कानाच्या विकारांप्रमाणेच विविध आजार, कृत्रिम अवयव यांसह सर्व प्रकारची वैद्यकीय मदत ट्रस्टच्या माध्यमातून साततयाने केली जात आहे. जय गणेश रुग्णसेवा अभिनायाच्या माध्यमातून लाखो गरजू रुग्णांना लाभ होत असून समाजाच्या तळागाळात पोहोचण्याचा ट्रस्टचा प्रयत्न असल्याचे त्यांनी सांगितले.
