COVID-19: पुण्यामध्ये आज दिवसभरात ४ जणांच्या मृत्यूची नोंद
महापौर मुरलीधर मोहोळ यांची माहिती
पुणे । प्रतिनिधी
पुणे शहरात बुधवारी दिवसभरात कोरोनाच्या संसर्गामुळे ४ जणांचा मृत्यू झाला. तसेच, अन्य ४०८ रुग्ण गंभीर आहेत, अशी माहिती पुण्याचे महापौर मुरलीधर मोहोळ यांनी दिली आहे.
पुणे शहरात उपचार घेणाऱ्या ५ हजार ३९४ रुग्णांपैकी ४०८ रुग्ण गंभीर असून यातील २४६ रुग्ण व्हेंटिलेटरवर तर १६२ रुग्ण अतिदक्षता विभागात उपचार घेत आहेत.
पुणे महापालिका हद्दीत नव्याने ४ कोरोनाबाधित रुग्णांच्या मृत्यूची नोंद झाली आहे. आजच्या नव्या संख्येसह मृतांची एकूण संख्या ४ हजार ४७१ इतकी झाली आहे.
दिवसभरात ४ हजार १५० टेस्ट !
पुणे शहरात आज एकाच दिवसात ४ हजार १५० नमुने घेण्यात आले आहेत. पुणे शहराची एकूण टेस्ट संख्या आता ८ लाख २६ हजार ४०२ इतकी झाली आहे.
दिवसभरात नवे ३४७ कोरोनाबाधित !
पुणे शहरात आज नव्याने ३४७ कोरोनाबाधित रुग्णांची नोंद झाली असून पुणे शहरातील एकूण संख्या आता १ लाख ७० हजार ६९७ इतकी झाली आहे.
अवश्य वाचा : पुण्याचं ‘मावळा पगडी’ मेट्रो स्टेशन