पुण्यात शाळा नव्या वर्षात सुरु होणार – मुरलीधर मोहोळ
![Admission to school even if you do not have a school leaving certificate; Big decision of education department!](https://mahaenews.com/wp-content/uploads/2019/06/school32-696x447.jpg)
पुणे– कोरोनाच्या पार्श्वभूमीवर सध्या राज्यातील शाळा बंद आहेत. केवळ ऑनलाईन शिक्षणच सुरु आहे. अशात पुण्यातील महापालिका आणि खासगी शाळा येत्या तीन जानेवारीपर्यंत बंदच ठेवण्याचा निर्णय घेतला असून पाल्यांचे आरोग्य आणि पालकांचा हमीपत्रांना मिळालेला अत्यल्प प्रतिसाद या पार्श्वभूमीवर शाळा बंदचा निर्णय घेतला आहे’, अशी माहिती महापौर मुरलीधर मोहोळ यांनी दिली आहे.
वाचा :-पुण्यात रेसकोर्स घोडा बेटिंग प्रकरण; बड्या बुकींसह २७ जण ताब्यात
पुणे शहरातील शाळा १४ डिसेंबरपासून सुरु होणार होत्या. मात्र महापौर मोहोळ यांनी पालक संघटना चर्चा करत आणि कोरोनाची सद्यस्थिती लक्षात घेऊन शाळा बंद ठेवण्याचा निर्णय घेतला आहे. याबाबतचे लेखी आदेशही महापालिका प्रशासनाने जारी केले आहेत. गेल्यावेळी शाळा सुरु करण्यासंदर्भात पालकांचे अवघे ५ टक्के हमीपत्र जमा झाले होते. यावेळीही हीच स्थिती पाहायला मिळत आहे.
वाचा :-कॅल्शियम आणि मॅग्नेशियमच्या प्रमाणाची सक्ती करू नका
महापौर मोहोळ म्हणाले, ‘कोरोनाची परिस्थिती नियंत्रणात आहे. मात्र असे असले तरी शाळा सुरु करण्याबाबत पालक फारसे सकारात्मक नाहीत, असे चित्र आहे. तसेच पाल्यांचे आरोग्य हाही महत्त्वाचा विषय असून याबाबत सर्व घटकांशी चर्चा करुन आपण निर्णय घेतला आहे. येत्या ३ जानेवारीच्या आधी कोरोना संसर्ग आणि इतर बाबींचा आढावा घेऊन पुढील निर्णय घेणार आहोत’.