पुण्यात महापाैर चषक क्रीडा स्पर्धा स्थगित करण्याचा निर्णय
![](https://mahaenews.com/wp-content/uploads/2020/03/6-12.jpg)
पुणे |महाईन्यूज|
कोरोनाच्या पार्श्वभूमीवर पुणे महापौर चषक क्रीडा स्पर्धा स्थगित करण्याचा निर्णय घेण्यात आला आहे. या स्पर्धेला क्रीडा प्रेमी आणि नागरिकांची मोठी गर्दी होत असते त्यामुळे कोणताही धोका निर्माण होऊ नये यासाठी स्पर्धा रद्द करण्याचा निर्णय घेण्यात आल्याचं महापौरांनी ट्विट करून सांगितलंय. दिव्यांगाच्या राज्यस्तरीय स्पर्धा देखील कोरोनामुळे रद्द झाल्यायत. येत्या १४, १५ मार्च रोजी पुण्यातील बालेवाडी इथे या स्पर्धा होणार होत्या. खबरदारीचा उपाय म्हणून आता या स्पर्धा रद्द करण्यात आल्या आहेत.
कोरोनावर नियंत्रण आणण्यासाठी जिल्ह्यात आपत्ती व्यवस्थापन कायदा लागू करण्यात आला आहे. जिल्हाधिकाऱ्यांनी यासंदर्भात आदेश दिले आहे. तर दुसरीकडे पुण्यामध्ये कोरोनाच्या भीतीमुळे शाळांना सुट्टी देण्यात आली आहे. नांदेड सिटीतील दोन शाळांना सुट्टी देण्यात आली आहे. या दोन शाळा तीन दिवस बंद राहणार आहेत. खबरदारीचा उपाय म्हणून हा निर्णय घेण्यात आला आहे. कोरोनाचा फैलाव होऊ नये याकरता हे पाऊल शाळा व्यवस्थापनानं उचलले आहे.