पुणे – मुळशी तालुक्यातील ताम्हिणी घाटाजवळ असलेल्या खोल दरीत कारमध्ये दोन जळालेले मृतदेह सापडल्याने खळबळ उडाली आहे.
पौड पोलिसांनी दिलेल्या माहितीनुसार, मृतदेह 90 टक्के जळालेले असून विजय आबा साळुंके (वय-35, मु.पो.बांदा, जि.सिंधुदुर्ग) व विकास विलास गोसावी ( वय-32, मु.पो. निपाणी, जि.बेळगाव, राज्य कर्नाटक) मृतांची नावे आहेत. हा घातपात असल्याचा संशय पोलिसांनी वर्तवला आहे. दोघेची घरातून बेपत्ता असल्याची तक्रार माणगाव पोलीस स्टेशनमध्ये दाखल करण्यात आली होती. पुढील तपास पोलीस करत आहेत.
