मुंबई : मुंबईतील पवई परिसरात बेकायदा झोपडपट्ट्यांवर कारवाई करण्यासाठी गेलेल्या BMC कर्मचारी आणि मुंबई पोलिसांच्या पथकावर दगडफेक करण्यात आली. या घटनेत 5 पोलीस जखमी झाले आहेत.
अनधिकृतरित्या बांधण्यात आलेल्या झोपडपट्टीवर तोडक कारवाई सुरू असतानाच तेथील पोलिस आणि अधिकाऱ्यांवर दगडफेक झाल्याची माहिती समोर आली आहे. दगडफेक केल्यानंतर त्या ठिकाणी लाठीचार्जही करण्यात आला. सध्या या घटनेनंतर पवई परिसरात मोठा पोलिस बंदोबस्त तैनात करण्यात आला आहे
हिरानंदानी भागात अनेक वर्ष जुनी झोपडपट्टी असून तेथील झोपडीधारकांना पालिकेने नोटीस देखील दिली होती. त्यामुळे आज पालिकेचे अनधिकृतरित्या वसलेली ही झोपडपट्टी हटवण्यासाठी कारवाई सुरू केली. या कारवाईमुळे रहिवासी संतप्त झाले आणि त्यांनी पोलिस आणि पालिका अधिकाऱ्यांवरती थेट दगडफेक करण्यास सुरूवात केली. त्यानंतर तिथे प्रचंड गोंधळ निर्माण झाला
