धक्कादायक! ‘मलाच माहित नाही मी गर्भवती कशी झाले’; १३ वर्षीय मुलीची प्रतिक्रिया

शहरात राहणाऱ्या पीडित तेरा वर्षीय मुलीला तिच्या पालकांनी रुग्णालयात आणले होते. यावेळी मुलीला सुमारे १९ आठवड्यांची गर्भधारणा झाली असल्याचे डॉक्टरांच्या लक्षात आले. त्यावेळी उपचार करण्यासोबतच डॉक्टरांनी तत्काळ ही माहिती राजा पेठ पोलिसांना दिली. पोलिसांनी रुग्णालय गाठले व मुलीला विचारपूस केली. मात्र, मला गर्भधारणा कशी झाली, हे मलाच माहित नाही, असे वारंवार मुलगी पोलिसांना सांगत होती. यामुळे पोलिसांसमोर ही सुरूवातीला पेच निर्माण झाला होता. त्यामुळेच राजा पेठ पोलिसांनी संशयिताविरुद्ध गुन्हा दाखल केला होता. दरम्यान, पोलिसांनी दीड दिवस सखोल तपास केला असता मुलीच्या परिचित एका सतरा १७ वर्षीय मुलगा होता. त्यानेच या मुलीवर अत्याचार केल्याचे पुढे आले व तपासात पीडित मुलीने सुद्धा तसे सांगितले, अशी माहिती राजा पेठ पोलिसांनी दिली. गुन्हा दाखल झाल्यामुळे हा १७ वर्षीय मुलगा पसार झाला आहे.