1978 मध्ये शरद पवार यांनी 40 आमदारांसह वसंतदादा पाटीलांसोबत जे केले तेच एकनाथ शिंदे यांनी केले, मग शिंदे गद्दार कसे काय?
देवेंद्र फडणवीस यांच्या वक्तव्यावर शरद पवार भडकले, म्हणाले फडणवीस तेव्हा प्राथमिक शिक्षण घेत होते
![In 1978, Sharad Pawar, 40 MLAs, Vasantdada Patil, Eknath Shinde, how about Shinde traitor?](https://mahaenews.com/wp-content/uploads/2023/06/FADANVIS-SHARAD-PAWAR-780x470.jpg)
मुंबई : भाजप सरकारला नऊ वर्षे पूर्ण झाल्यानिमित्त रविवारी रात्री चंद्रपुरात आयोजित मेळाव्याला संबोधित करताना उपमुख्यमंत्री देवेंद्र फडणवीस म्हणाले की, शरद पवार 1978 मध्ये वसंतदादा पाटील मंत्रिमंडळातून 40 आमदारांसह बाहेर पडले.त्यांच्या कृत्याला राजकीय कौशल्य म्हटले गेले, पण शिंदे यांनी तेच केले, तर ते गद्दार झाले का…?, या टीकेवर सोमवारी पत्रकारांनी शरद पवारांना प्रश्न विचारला असता, त्यांनी त्यांच्याच शैलीत सडेतोड उत्तर दिले. ते म्हणाले, ‘आम्ही सरकार स्थापन केले तेव्हा ते सर्वसमावेशक सरकार होते. त्या सरकारमध्ये तत्कालीन जनसंघाचाही सहभाग होता, जे नंतर भाजपचे झाले.
माझ्या सरकारमध्ये जनसंघाचे उत्तमराव पाटील उपमुख्यमंत्री होते. जनसंघाचे हशू अडवाणी मंत्री होते. त्यावेळी फडणवीस हे प्राथमिक शिक्षण घेत असावेत. त्यामुळे त्यांना त्या कालखंडाची माहिती नसेल.. ते अशा गोष्टी अज्ञानातून सांगतात आणि त्याला फार महत्त्व देऊ नये.
फडणवीस यांनी सत्य स्वीकारले
पवारांच्या वक्तव्यानंतर फडणवीस म्हणाले, ‘शरद पवार जे म्हणाले ते खरे आहे. 1977 मध्ये मी अजून प्राथमिक शाळेत होतो. पण यामुळे इतिहास बदलत नाही. शरद पवारांच्या नेतृत्वाखाली 40 आमदारांनी वसंतदादा पाटील यांचे सरकार पाडले हा इतिहास आहे. शरद पवारांनी अप्रामाणिकपणा केला असे मी म्हटले नाही.