Good News : पिंपरीतील भाजी मंडई व्यापाऱ्यांच्या ३५ वर्षांच्या संघर्षाला न्याय!

पिंपरी | पिंपरी भाजी मंडई परिसरात गेली ३५ वर्षे सावित्रीबाई फुले भाजी व्यवसाय मार्गदर्शक संघ व त्यांचे सदस्य भाजी विक्रीचा व्यवसाय करत आहेत. सर्व भाजी विक्रेते हे परवानाधारक असून त्यांनी महानगरपालिका व स्थानिक राजकीय नेत्यांना वेळोवेळी निवारा मिळण्यासाठी पाठपुरावा करीत होते. अखेर त्यांना यश मिळाले.

राष्ट्रवादी काँग्रेस पार्टीचे आमदार अण्णा बनसोडे यांनी भाजी मंडई मधील ३०० परवानाधारक भाजी विक्रेत्यांना तात्पुरत्या स्वरूपात पत्रा शेड गाळे बांधून दिले आहे. त्यामुळे प्रत्येक गाळ्यावरील आमदार अण्णा बनसोडे यांचा फोटो पाहून व शहरात लागलेल्या बॅनर मुळे आमदार अण्णा बनसोडे यांच्या राजकीय विरोधकांनी रान पेटवले. काही इच्छुक उमेदवारांनी कामाची उपयोगिता न पाहता त्याबाबत तक्रारी केल्या. मात्र, सर्व विरोधाला न जुमानता आमदार अण्णा बनसोडे यांनी 300 गाळ्याचे लोकार्पण केले.

हेही वाचा    –      मोठी बातमी! बाबा सिद्दीकी हत्या प्रकरणात प्रवीण लोणकरला पुण्यातून अटक 

भर पावसात हजारो नागरिकांच्या उपस्थितीत आमदार अण्णा बनसोडे यांनी या गाळ्यांचे लोकार्पण केले. यावेळी माजी नगरसेवक संदीप वाघेरे, निलेश पांढरकर, सावित्रीबाई फुले भाजी व्यवसाय मार्गदर्शक संघाचे अध्यक्ष संतोष वडमारे, प्रमुख संघटक रमेश शिंदे, कार्याध्यक्ष गौतम रोकडे, प्रविण वडमारे, बाळासाहेब शिंदे व इतर परवानाधारक भाजी विक्रेते उपस्थित होते.

व्यापाऱ्यांच्या हितासाठीच घेतला पुढाकार..

आमदार बनसोडे म्हणाले की, सर्व भाजी विक्रेते हे परवाना धारक आहेत. ते गेली 35 वर्षांपासून या ठिकाणी आपला व्यवसाय करत आहेत. त्यांची मागणी होती की आम्हाला गाळे बांधून द्यावेत सदर जागेवर महानगरपालिका भाजी मंडई बांधणार आहे व त्यासाठी १० कोटी रुपयांची तरतूद देखील केली आहे. मात्र, कन्सल्टंट ने सादर केलेल्या डिझाईन नुसार सर्व परवाना धारकांना तिथे गाळा देणे शक्य नाही. त्यात भाजीपाला हे देखील तात्काळ नाशवंत होणारी गोष्ट असल्याने सर्व परस्थितीचा विचार करून सर्व परवाना धारकांना आहे. त्या ठिकाणी गाळे बांधून दिले आहेत.

काही नवीन चेहरे घेऊन फिरणाऱ्या विरोधकांना पिंपरी विधानसभा क्षेत्रातील कष्टकरी, हातावर पोट असणाऱ्या नागरिकांची परस्थिती याची जाणीव नाही. त्यामुळे फक्त राजकीय हव्यासापोटी फक्त विरोधाला विरोध म्हणून अपप्रचार करत आहेत. मात्र, जेव्हा कधी माझ्या कष्टकरी व्यापारी लोकांच्या हितासाठी काही चांगलं करायची वेळ येईल. तेव्हा मी मागे हटणार नाही.

– आण्णा बनसोडे, आमदार, पिंपरी विधानसभा.