पुणे | परवडणारी आणि सुलभ पर्याय म्हणून को-लिव्हिंग स्पेसेसना तरुणांचा वाढता कल!

पुणे | पुण्यातील तरुणाई – विशेषतः कामगार आणि विद्यार्थी वर्ग – आता परंपरागत स्वतंत्र फ्लॅट भाड्याने घेण्याऐवजी को-लिव्हिंग स्पेसेस निवडत असल्याचे चित्र स्पष्ट होत आहे. कमी खर्चात सुसज्ज सुविधा मिळत असल्याने आणि स्थानिक सोयी जपल्या जात असल्यामुळे को-लिव्हिंगचा ट्रेंड झपाट्याने वाढत आहे.

कोविडनंतर को-लिव्हिंगला गती

कोविडनंतर शिक्षण आणि नोकरीसाठी शहरांकडे मोठ्या प्रमाणावर लोक स्थलांतरित झाले. यामुळे को-लिव्हिंग स्पेसेसची मागणी वाढली आहे. बेंगळुरू, मुंबई, दिल्ली, चेन्नई, हैदराबाद आणि पुणे ही शहरे यामध्ये आघाडीवर आहेत. आता अनेक मोठ्या कंपन्याही या क्षेत्रात उतरल्या असून, अनेक वैयक्तिक मालक स्वतःची को-लिव्हिंग सुविधा चालवत आहेत.

पुण्यात ‘या’ भागांमध्ये सर्वाधिक को-लिव्हिंग सुविधा

पुण्यातील हिंजवडी, विमन नगर, बाणेर, खराडी, बालेवाडी, मगरपट्टा, कळ्याणी नगर आणि कोथरूड या भागांमध्ये आयटी कंपन्यांच्या सानिध्यात को-लिव्हिंग सुविधा मोठ्या प्रमाणात उपलब्ध आहेत. याद्वारे वसतिगृहासारखी व्यवस्थापन सुविधा, हाय-स्पीड इंटरनेट, हाउसकीपिंग, सिक्युरिटी आणि फूड सर्व्हिसेसही मिळतात.

स्वतःचा फ्लॅट घेण्यापेक्षा २५ ते ३० टक्क्यांनी स्वस्त

सध्या पुण्यात १ बीएचके फ्लॅटचे सरासरी मासिक भाडे ₹१२,७०० ते ₹२२,५०० दरम्यान आहे. याच्या तुलनेत को-लिव्हिंग स्पेसचे सरासरी भाडे ₹९,५०० ते ₹१५,७०० इतके असून, त्यामध्ये अनेक सुविधा समाविष्ट असतात. परिणामी, को-लिव्हिंग व्यवस्था पारंपरिक भाड्याच्या तुलनेत २५ ते ३० टक्के स्वस्त ठरते.

हेही वाचा   :  ‘भारूड म्हणजे बहुरूढींचे दर्शन!’ : ह. भ. प. लक्ष्मणमहाराज राजगुरू

२०३० पर्यंत १० लाख बेड्स आणि $२०६ अब्ज डॉलर्स मार्केट

सध्या देशभरात सुमारे ३ लाख को-लिव्हिंग बेड्स आहेत, आणि २०३० पर्यंत हे प्रमाण १० लाखांवर जाण्याचा अंदाज आहे. कोलियर्स इंडियाच्या अहवालानुसार, सध्या या क्षेत्राचे वार्षिक उत्पन्न $४० अब्ज डॉलर्स असून, २०३० पर्यंत ते $२०६ अब्ज डॉलर्सवर पोहोचेल अशी शक्यता वर्तवण्यात आली आहे.

देशातील २० ते ३४ वयोगटातील सुमारे ५० दशलक्ष स्थलांतरित तरुण हे या मागणीमागील प्रमुख कारण मानले जाते.

सुविधा आणि स्वतंत्रतेचा उत्तम समतोल

को-लिव्हिंग स्पेसेस तरुणांना स्वतःची स्पेस, आधुनिक सुविधा, आणि सामाजिक वावर यांचा उत्तम समतोल देतात. त्यामुळे ‘स्मार्ट लिव्हिंग’चा पर्याय म्हणून को-लिव्हिंग आता केवळ ट्रेंड नसून, एक स्थिर जीवनशैली ठरत आहे.

“को-लिव्हिंग क्षेत्रात लवकरच मोठी वाढ होण्याची शक्यता आहे. स्वतंत्र घर भाड्याने घेण्याच्या तुलनेत को-लिव्हिंग अधिक सुलभ, सोयीस्कर आणि खर्चिक दृष्टिकोनातून फायदेशीर आहे. नोकरी आणि शिक्षणासाठी होणाऱ्या वाढत्या स्थलांतरामुळे आता अधिक लोक को-लिव्हिंग पर्याय निवडत आहेत.”

– बादल याग्निक, CEO, Colliers India

Co-Living चे फायदे:

Independent housing च्या तुलनेत भाडे कमी
Daily व monthly usage मध्ये लवचिकता
देखभाल व स्वच्छतेची जबाबदारी operator कडे
Laundry, meals यांसारख्या अतिरिक्त सेवा उपलब्ध
Shared rooms आणि private rooms अशा दोन्ही प्रकारांची निवड

महाईन्यूज-X वर फॉलो करा : महाईन्यूजला instagram वर फॉलो करा