श्रीराम प्राणप्रतिष्ठा निमित्त पिंपळे सौदागर येथे विविध कार्यक्रम

पिंपरी | आयोध्या राम नगरी येथे दि. २२ जानेवारी २०२४ रोजी श्रीराम जन्मभूमी मूर्ती प्राण‌प्रतिष्ठापणा हा ऐतिहासिक सोहळा नागरिकांना पाहता यावा याचे साक्षीदार होता यावे त्या निमित्त रहाटणी, पिपंळे सौदागर येथे नाना काटे सोशल फाऊंडेशन, उमेश काटे युथ फाऊंडेशन , सागर कोकणे युवा मंचचा वातीने विविध कार्यक्रमाचे आयोजन केले आहे.

महादेव मंदिर पिंपळे सौदागर, श्री राम मंदिर रहाटणी येथे केले असून, त्या अनुषंगाने आज रहाटणी येथील श्री राम मंदीर येथे मंदीर व परिसराची सामुदायिक पध्दतीने स्वच्छता केली तसेच यानंतर प्रभु श्री रामाची आरती देखील श्री विठ्ठल उर्फ नाना काटे व इतर उपस्थित मान्यवराचा यांच्या हस्ते करण्यात आली. सोमवारी होणाऱ्या भजन, कीर्तन, महाप्रसाद वाटप कार्यक्रमाचा तयारीचा आढावा देखील यावेळी घेण्यात आला.

हेही वाचा   –    खेलो इंडिया युथ गेम्स : महाराष्ट्र-हरयाणामध्ये रंगणार वर्चस्वाची लढाई!

परिसरातील नागरिकांना हा सोहळा पाहता यावा यासाठी रहाटणी राम मंदिर व महादेव मंदिर पिंपळे सौदागर येथे मोठ्या एलईडी स्क्रिन लावून आयोध्या श्रीराम जन्मभुमी येथे होण्यार्या प्रभू श्रीराम मूर्ती प्राण‌प्रतिष्ठापणा सोहळ्याचे थेठ प्रक्षेपण करण्यात येणार आहे, तसेच नाना काटे सोशल फाऊंडेशन व उमेश काटे युथ फाऊंडेशन च्या वतीने नागरिकांना देण्यात येणाऱ्या आयोध्या येथील श्री राम मंदीराच्या प्रतिकृतीचे अनावरण व पुजन श्री नाना काटे व उपस्थित मान्यवर यांच्या हस्ते करण्यात आले याचे वाटप आज पासून घरोघरी जावून करण्यात येणार आहे.

यावेळी उपस्थित आदेश राजवडे, चंद्रकांत तापकीर, उमेश काटे, सचिन काळे, . अरूण तांबे, हरीश तापकीर, महादु कदम, महादेव कोकणे , गजानन तांबे, पप्पुशेठ पठारे, जिजाबा गोडांबे, शंकरराव नखाते, शिवाजीआण्णा राजवडे, शिवाजी खुळे आदी उपस्थित होते.