माजी सत्तारुढ पक्षनेते एकनाथ पवार यांचा नांदेडमध्ये भाजपात प्रवेश

पिंपरी-चिंचवड: भारतीय जनता पार्टीचे महाराष्ट्र प्रदेशाध्यक्ष तथा महसूल मंत्री मा. चंद्रशेखर बावनकुळे, कार्यकारी अध्यक्ष रवींद्रजी चव्हाण आणि खासदार अशोक चव्हाण यांच्या उपस्थितीत माजी सत्तारुढ पक्षनेते एकनाथ पवार यांनी भारतीय जनता पक्षात प्रवेश केला.

विधानसभा निवडणुकीपूर्वी एकनाथ पवार यांनी शिवसेना उद्धव बाळासाहेब ठाकरे गटामध्ये प्रवेश केला होता. ‘‘मशाल’’ चिन्हावर त्यांनी लोहाकंधार मतदार संघातून निवडणूक लढवली. या निवडणुकीत त्यांना 65 हजाराहून अधिक मते मिळाली आहेत. मात्र, निवडणुकीत पराभव झाला. ही जागा महायुतीमध्ये राष्ट्रवादी अजित पवार गटाला मिळाली हाेती.

हेही वाचा –  सावित्रीबाई फुले पुणे विद्यापीठातर्फे डा. वृषाली दंडवते यांना ‘‘उत्कृष्ट ग्रंथपाल’’ पुरस्कार

संघटन पर्व – विभागीय कार्यशाळा दौऱ्या निमित्त पश्चिम महाराष्ट्र विभाग बैठकी दरम्यान, शुक्रवार दिनांक १४ फेब्रुवारी २०२५ रोजी नांदेड येथे हा कार्यक्रम पार पडला. राज्याचे मुख्यमंत्री देवेंद्र जी फडणवीस यांच्या आदेशाने हा प्रवेश करण्यात आला, असे सांगण्यात येते आहे.

दरम्यान, एकनाथ पवार यांनी लोहाकंधार मतदार संघातून पुढील राजकीय कारकीर्द घडवण्याचा इरादा केला असून, त्या अनुशंगाने नांदेडमध्ये कामाला सुरूवात केली आहे.

महाईन्यूज-X वर फॉलो करा : महाईन्यूजला instagram वर फॉलो करा