TOP Newsताज्या घडामोडीमुंबई
मोबाइल ॲप तिकिटाची अंतराबाबतची अट शिथिल
![Distance condition of mobile app ticket is relaxed](https://mahaenews.com/wp-content/uploads/2022/11/New-Project-2022-11-12T131637.629-780x470.jpg)
मुंबई: तिकीट खिडक्यांसमोर रांगेत उभे राहून तिकीट अथवा पास काढण्यासाठी वेळ खर्च करण्यापेक्षा काही प्रवासी पेपरलेस मोबाइल ॲप तिकीट (यूटीएस) सेवेला पंसती देतात. या सेवेला प्रवाशांचा प्रतिसाद वाढावा यासाठी तिकिटासाठी घातलेली कमी अंतराची अट शिथिल करण्याचा निर्णय सेंटर फाॅर रेल्वे इन्फाॅर्मेशन सिस्टिम (क्रिस), तसेच मध्य आणि पश्चिम रेल्वेने घेतला आहे.
यापुढे उपनगरीय रेल्वे स्थानकापासून पाच किलोमीटर अंतरापर्यंत तिकीट काढणे शक्य होणार आहे. सध्या स्थानकापासून दोन किलोमीटर अंतरावरील स्थानकाचे तिकीट काढता येत होते. मेल-एक्स्प्रेस गाड्यांचे स्थानकापासून पाच किलोमीटरऐवजी आता २० किलोमीटर अंतरा – पर्यंत तिकीट काढता येईल, अशी माहिती मध्य रेल्वेच्या अधिकाऱ्यांनी दिली. सध्या यूटीएस मोबाइल ॲपवरून केवळ सात ते आठ टक्के तिकीट विक्री होत आहे.