पनवेलमध्ये मंगळवारी आठ नवे करोनाबाधित रुग्ण आढळले. उलवा, करंजाडे, पालीदेवध, कळंबोली, तळोजा, कामोठे व नवीन पनवेल येथील हे रुग्ण असून पोलीस कर्मचारी, त्यांचे कुटूंबातील सदस्य, बेस्ट चालक, कृषी उत्पन्न बाजार समितीचे कर्मचारी, कर्करोग झालेल्या रुग्णांचा समावेश आहे. तालुक्यात आतापर्यंत १३९ करोनाबाधित रुग्ण आढळले असून ९१ रुग्णांवर उपचार सुरु आहेत. तर ४८ रुग्ण उपचारानंतर ठणठणीत होऊन घरी परतले आहेत. सध्या पनवेल पालिका क्षेत्रात ५२ प्रतिबंधित क्षेत्र आहेत.
