breaking-newsTOP Newsताज्या घडामोडीमुंबई
भाजप आमदार नितेश राणेंना हायकोर्टाचा दणका, अटकपूर्व जामीन फेटाळला
मुंबई | प्रतिनिधी
भाजप आमदार नितेश राणे यांना बॉम्बे हायकोर्टाने दणका दिला आहे. बॉम्बे हायकोर्टाने त्यांचा अटकपूर्व जामीन फेटाळला आहे. त्यामुळे नितेश राणे यांच्या अडचणीत वाढ होण्याची चिन्हं आहेत. नितेश राणे प्रकरणात बॉम्बे हायकोर्टात सुनावणी सुरू होती. सिंधुदुर्ग जिल्हा बँकेच्या निवडणुकीच्या आधी शिवसेना नेते संतोष परब यांच्यावर हल्ला झाला होता. या हल्ल्याच्या मास्टरमाईंडला दिल्लीतून पोलिसांनी ताब्यात घेतलं होतं. त्यानंतर या प्रकरणी नितेश राणेंचा हात असल्याचे पुरावे पोलिसांना मिळाल्याचं म्हटलं जातं आहे. याप्रकरणी अटक टाळण्यासाठी नितेश राणेंनी बॉम्बे हायकोर्टात धाव घेतली होती. मात्र नितेश राणेंचा जामीन फेटाळण्यात आला आहे.