breaking-newsमुंबई
महिलेला अश्लील व्हिडिओ पाहण्यास भाग पाडणाऱ्या कोरिओग्राफर विरोधात तक्रार
![](https://mahaenews.com/wp-content/uploads/2020/01/crime-car.jpg)
मुंबई |महाईन्यूज|
काम करण्यापासून दूर ठेवत महिलेला जबरदस्तीने अश्लील व्हिडिओ पाहण्यास भाग पाडणाऱ्या नृत्यदिग्दर्शक गणेश आचार्य याच्याविरोधा तक्रार दाखल करण्यात आली आहे. एका ३३ वर्षीय महिला कोरिओग्राफरने त्याच्याविरोधात ही तक्रार दाखल केली. त्यामुळे आता गणेश आचार्यच्या अडचणींत वाढ होणार आहे.
‘एएनआय’ या वृत्तसंस्थेने प्रसिद्ध केलेल्या वृत्तानुसार संबंधित महिलेने तिची ही तक्रार महिला आयोग आणि अंबोली पोलीस स्थानकात दाखल केली. शुक्रवारीच आचार्यने त्याच्यावर ज्येष्ठ नृत्यदिग्दर्शिका सरोज खान यांनी त्याच्यावर लावलेले आरोप फेटाळले. गणेश आचार्य या त्याच्याकडील नृत्यासाठी येणाऱ्या कलाकारांचं शोषण करतो, शिवाय आपल्या पदाचा वापर करत तो सिने ड़ान्सर्स असोसिएशनची प्रतिमाही मलिन करतो असे आरोप त्यांनी केले होते.