कोरोनाविरुद्ध लढणाऱ्या वॉरियर्सना भारतीय सैन्यदलाकडून विमानातून पुष्पवृष्टी करत मानवंदना
![](https://mahaenews.com/wp-content/uploads/2020/05/delhichopper.jpg)
मुंबई | कोरोनाविरुद्धच्या लढाईत जिवाची पर्वा न करता आहोरात्र काम करणाऱ्या डॉक्टर, नर्सेस, पोलीस, सफाई कामगार आणि माध्यमांचे प्रतिनिधींना तिन्ही सैन्य दलाकडून आज (३ मे) मानवंदना देण्यास सुरुवात केली आहे. तिन्ही दलांच्या जवानांकडून कोरोना रुग्णांवर उपचार सुरु असलेल्या रुग्णालयांवर पुष्पवृष्टी करण्यात येणार आहे, अशी माहिती चीफ ऑफ डिफेन्स स्टाफ जनरल बिपिन रावत यांनी दिली. इंडियन एअर फोर्सतर्फे फ्लाय पास्टचे आयोजन करण्यात आले आहे. काश्मीरपासून ते कन्याकुमारी आणि आसामपासून ते कच्छपर्यंत असे दोन फ्लायपास्ट करण्यात येणार आहे.
हवाई दलाकडून वाहतूक आणि लढाऊ विमानमध्ये कोरोना रुग्णांवर उपचार करणाऱ्या रुग्णालयांवर आकाशातून पृष्पवृष्टी करण्यास सुरुवात झाली आहे. दिल्लीमधील पोलीस मेमोरियलमध्ये आज सकाळी १० वाजता श्रद्धांजली अर्पण करून तिन्ही सैन्य दलाकडून पुष्पवृष्टी करण्यास सुरुवात केली. यानंतर हवाई दल देशभरात फ्लाय पास्ट केले. हवाई दलाने पहिली श्रीनगर ते त्रिवेंद्र अशी आह. तर दुसरी फ्लाय पास्ट डिब्रुगढ ते कच्छ अशी आहे.