दारूच्या नशेत मुलाचा आईवर बलात्कार; न्यायालयाने सुनावली कठोर शिक्षा

गोंदिया |

महाराष्ट्रातील गोंदिया जिल्ह्यातील एका व्यक्तीला गेल्या वर्षी ऑगस्टमध्ये दारूच्या नशेत आईवर बलात्कार केल्याप्रकरणी न्यायालयाने जन्मठेपेची शिक्षा सुनावली आहे. न्यायालयाने या प्रकरणी तातडीने सुनावणी करताना आरोपीला वर्षभरात दोषी ठरवून शिक्षा सुनावली.

जिल्हा व सत्र न्यायाधीश शब्बीर अहमद औटी यांनी त्या व्यक्तीला त्याच्या उर्वरित आयुष्यासाठी तुरुंगवासाची शिक्षा ठोठावण्याचा आदेश दिला, तसेच दोन हजार रुपये दंड आणि पीडितेला दोन लाख रुपयांची भरपाई देण्यास सांगितले. रावणवाडी पोलिस ठाण्यात या प्रकरणाचा तपास करण्यात आला. १९ जानेवारी रोजी न्यायालयात पुरावे तपासण्यात आले, २४ जानेवारी रोजी आरोपीचे जबाब नोंदवण्यात आले आणि ३१ जानेवारी रोजी अंतिम सुनावणी झाली, असे एका अधिकाऱ्याने सांगितले.