Ola Uber Rent Hike : पुण्यात ओला आणि उबरचा प्रवास महागला, पाहा नवे दर!
![Ola and Uber fares expensive in Pune](https://mahaenews.com/wp-content/uploads/2024/01/Ola-Uber-780x470.jpg)
पुणे : पुण्यातील ओला आणि उबरचा प्रवास महागला आहे. कारण प्रादेशिक परिवहन प्राधिकरणाने याचे नवीन दर ठरविले असून त्याची १ जानेवारीपासून अंमलबजावणी करण्यात आल्याची माहिती प्रादेशिक परिवहन कार्यालयाने दिली आहे.
प्रादेशिक परिवहन प्राधिकरणातील कार्यक्षेत्रात भाडेसुधारण्याच्या अनुषंगाने खटुआ समितीच्या शिफारशीनुसार तसेच शासन निर्णयातील तरतुदीनुसार जिल्हाधिकारी यांच्या अध्यक्षतेखाली २२ डिसेंबर २०२३ रोजी झालेल्या बैठकीत भाडे दरात सुधारणा करण्याचा निर्णय घेण्यात आला आहे.
हेही वाचा – ‘राम मांसाहारी होता’ जितेंद्र आव्हाडांच्या या वक्तव्यावर भाजप नेते भडकले!
काळी पिवळी टॅक्सीला पहिल्या १.५ कि.मी. करिता ३१ रूपये, त्यापुढील प्रत्येक १ कि.मी. करिता २१ रूपये तर वातानूकुलीत टॅक्सीला (कुलकॅब) पहिल्या १.५ कि.मी. करिता ३७ रूपये व त्यापुढील प्रत्येक १ कि.मी. करिता २५ रूपये असा भाडेदर निश्चित करण्यात आला असल्याचे प्रभारी प्रादेशिक परिवहन अधिकारी संजीव भोर यांनी कळविले आहे.