औरंगाबादेत परीक्षा केंद्रावर गोंधळ; एका बाकावर तीन विद्यार्थ्यांना बसवण्याची वेळ

या गोंधळाची माहिती विद्यापीठ प्रशासनाला मिळताच परीक्षा विभागाचे संचालक डॉ. गणेश मंझा पथकासह परीक्षा केंद्रावर दाखल झाले आणि परिस्थिती हाताळण्यासाठी प्रयत्न सुरू केले. सकाळी नऊ वाजता सुरू होणारा पेपर बारा वाजेपर्यंत सुरू झालेला नव्हता. लवकरात लवकर यातून मार्ग काढू. तसेच, विद्यार्थ्यांचे कोणतेही शैक्षणिक नुकसान होणार नाही, अशी माहिती विद्यापीठाचे परीक्षा विभागाचे संचालक डॉ. गणेश मंझा यांनी दिली. आज सकाळी विद्यार्थी संख्या वाढविल्याची माहिती विद्यापीठ प्रशसनाने दिली. विद्यार्थ्यांचे नुकसान होऊ नये आणि एकही विद्यार्थी परीक्षेपासून वंचित राहू नये, यासाठी एका बाकावर तीन विद्यार्थी बसविण्यात आले आहेत. मात्र तिन्ही विद्यार्थ्यांच्या परीक्षेचा विषय वेगळा आहे. त्याचे नियोजन केले आहे.अशी माहिती प्राचार्य डॉ.सतीश सुराणा यांनी दिली.