सभा नरेंद्र मोदींची, चर्चा रिकाम्या खुर्च्यांची!

आगामी लोकसभा निवडणूकीच्या पार्श्वभूमीवर विविध राजकीय पक्षांकडून प्रचाराची रणधुमाळी सुरू झाली आहे. सत्ताधारी भाजपकडून जोरदार तयारी करण्यात आली आहे. याच पार्श्वभूमीवर पंतप्रधान तथा भाजपचे स्टार प्रचारक नरेंद्र मोदी यांची महाराष्ट्रातील पहिली जाहिर सभा वर्धा येथे पार पडली.

या सभेला झालेली गर्दी केवळ पहिल्या रांगांमध्ये दिसत होती तर मागच्या भागामध्ये ठेवण्यात आलेल्या खुर्च्या रिकाम्याच दिसत होत्या. एकीकडे मोदी भाषणाद्वारे उपस्थितांशी संवाद साधत असताना, दूसरीकडे मैदानातील खुर्च्या रिकाम्या दिसत होत्या. मोदींच्या उत्तर प्रदेशमधील मेरठमध्ये झालेल्या सभेतही हेच चित्र दिसले होते.