पलाघर : दारु पिण्यासाठी पैसे दिले नाही म्हणून याचा राग मनात धरुन लाकडाने डोक्यात वार करुन नातेवाईकाची हत्या केली ही धक्कादायक घटना पालघर जिल्ह्यातील बोईसर येथे घडली. या घनेमुळे परिसरात एकच खळबळ उडाली आहे.
जगणदेव राजभर असं मृत व्यक्तीचे नाव आहे. तर रामविलास राजभर असं आरोपीचे नाव आहे. लॉकडाऊन दरम्यान राज्यात मद्य विक्रीला परवानगी दिल्यानंतर अवघ्या दुसऱ्या दिवशी ही धक्कादायक घटना घडल्याने परिसरात हळहळ व्यक्त केली जात आहे.
जगणदेव बोईसरमध्ये चहाची टपरी चालवत होता. जगणदेवकडे त्याचा नातेवाईक रामविालसने दारु पिण्यासाठी पैसे मागितले. जगणदेवने पैसे देण्यास नकार दिला. त्यामुळे नाराज झालेल्या रामविलासने मनात राग धरुन लाकडी दांडूक्याने जगणदेवच्या डोक्यात वार केला. त्यामुळे जगणदेवचा जागीच मृत्यू झाला.
याप्रकरणी बोईसल पोलिासांनी आरोपी रामविलासला ताब्यात घेतले आहे. तसेच या घटनेची संपूर्ण चौकशी सुरु आहे.
