लोकसभा निवडणुकीपूर्वी सुषमा स्वराज यांची कन्या बन्सुरीला मिळाली मोठी जबाबदारी
नवी दिल्ली : भाजपच्या दिल्ली युनिटच्या पदाधिकाऱ्यांची नवी टीम मंगळवारी जाहीर करण्यात आली. यामध्ये पक्षाच्या दिवंगत नेत्या सुषमा स्वराज यांच्या कन्या बन्सुरी स्वराज यांच्यासह अनेक नव्या चेहऱ्यांना स्थान देण्यात आले आहे. हर्ष मल्होत्रा, योगेंद्र चंडोलिया आणि कमलजीत सेहरावत यांची दिल्ली युनिटचे नवीन सरचिटणीस म्हणून नियुक्ती करण्यात आली आहे. भाजपच्या दिल्ली युनिटचे अध्यक्ष वीरेंद्र सचदेवा यांनी नव्या टीमची घोषणा केली, ज्यात अनेक महिला पदाधिकाऱ्यांचाही समावेश आहे. आठ सचिवांमध्ये बन्सुरी स्वराज, दिल्लीचे माजी मुख्यमंत्री मदनलाल खुराना यांचा मुलगा हरीश खुराना आणि इम्प्रीत सिंग बक्षी यांचा समावेश आहे.
नवनियुक्त आठ उपाध्यक्षांमध्ये विष्णू मित्तल, दिनेश प्रताप सिंग, माजी महापौर लता गुप्ता आणि माजी महिला मोर्चा अध्यक्षा योगिता सिंग यांचा समावेश आहे. लक्ष्मी नगर विधानसभा मतदारसंघातील आमदार अभय वर्मा यांना भाजपच्या दिल्ली युनिटचे मुख्य प्रवक्तेपदी कायम ठेवण्यात आले आहे. त्याचबरोबर प्रवीण शंकर कपूर यांच्याकडे मीडिया विभागाच्या प्रमुखपदाची जबाबदारी देण्यात आली आहे. विक्रम मित्तल हे मीडिया रिलेशनशी संबंधित कामकाज पाहतील.
भाजप नेत्या आणि माजी परराष्ट्र व्यवहार मंत्री सुषमा स्वराज यांची कन्या बन्सुरी स्वराज यांची भाजपच्या दिल्ली युनिटच्या नवनियुक्त 11 प्रवक्त्यांमध्ये राज्य सचिव म्हणून नियुक्ती करण्यात आली आहे. बन्सुरी स्वराज यांच्याशिवाय पक्षाचे प्रवक्ते हरीश खुराना यांनाही सचिव करण्यात आले आहे. खुराना हे दिल्लीचे माजी मुख्यमंत्री मदन लाल खुराणा यांचे पुत्र आहेत.शिखा राज, वीरेंद्र बब्बर, विक्रम बिधुरी, शुभेंदू शेखर अवस्थी, अजय सेहरावत आणि प्रीती अग्रवाल. रिचा पांडे मिश्रा दिल्ली भाजप महिला मोर्चाच्या अध्यक्षा असतील. पक्षाचे युवा नेते निखत अब्बास यांची युवा मोर्चाच्या सरचिटणीसपदी नियुक्ती करण्यात आली आहे. भाजपच्या दिल्ली युनिटचे माजी अध्यक्ष मनोज तिवारी यांनी नवीन संघाला “तरुण आणि उत्साही” नेत्यांचे मिश्रण म्हटले आहे.
