मानवी केसांची तस्करीः मेघालयामधून बांगलादेशात नेण्याच्या तयारीत असलेले 300 किलो मानवी केस बीएसएफने केले जप्त
शिलाँग : बीएसएफने मेघालयमध्ये 300 किलो मानवी केस जप्त केले आहेत. त्यांना तस्करीसाठी बांगलादेशात नेले जात असल्याचे सांगण्यात येत आहे. जप्त करण्यात आलेल्या या मानवी केसांची बाजारातील किंमत 30 लाख रुपये आहे. ते विग तयार करण्यासाठी वापरले जातात, ज्यामुळे त्यांना अनेक देशांमध्ये मोठी मागणी आहे.मेघालयात सीमा सुरक्षा दलाने (बीएसएफ) मोठ्या प्रमाणात मानवी केसांची तस्करीविरोधात कारवाई केली. या मानवी केसांचे वजन सुमारे 300 किलो असून, त्याची किंमत 30 लाख रुपये आहे.
याबाबत माहिती देताना बीएसएफच्या अधिकाऱ्यांनी सांगितले की, दक्षिण-पश्चिम खासी हिल्स जिल्ह्यातील नदीमार्गे ते बांगलादेशात नेले जात होते. जिथे मानवी केसांची तस्करी करण्यापूर्वी शिलाँगहून सीमा जमादोर गावात नेल्यानंतर जप्त करण्यात आले. मानवी केसांच्या तस्करीसाठी एक नवीन ट्रान्झिट कॉरिडॉर म्हणून उदयास आले आहे. यापूर्वी म्यानमारचा वापर मानवी केसांच्या अवैध व्यापारासाठी ट्रान्झिट कॉरिडॉर म्हणून केला जात होता. मानवी केसांचा वापर प्रामुख्याने विग बनवण्यासाठी केला जातो, कारण त्याला आंतरराष्ट्रीय स्तरावर जास्त मागणी आहे.
यापूर्वीही बीएसएफने मानवी केस जप्त केले होते
या घटनेपूर्वीही बीएसएफने बांगलादेशात तस्करी करण्यात येणारे मानवी केस जप्त केले होते. कारवाई करताना सीमा सुरक्षा दलाने सुमारे 125 किलो मानवी केस जप्त केले. मेघालय राज्यासह 443 किमी लांबीच्या भारत-बांगलादेश सीमेवर बीएसएफच्या तत्परतेमुळे गेल्या वर्षी ही कारवाई करण्यात आली होती.
