नवी दिल्ली – देशाचे पंतप्रधान नरेंद्र मोदी यांनी १ मार्चला कोरोना लसीचा पहिला डोस घेतला होता. त्यानंतर आज सकाळी एम्स रुग्णालयात जाऊन त्यांनी लसीचा दुसरा डोस घेतला. याबाबत त्यांनी स्वतः ट्विट करून माहिती दिली आहे. कोरोनाला हरवण्यासाठी लसीकरण हा एक मार्ग असल्याचे मोदी यावेळी म्हणाले. दरम्यान, पहिली लस घेताना मोदींच्या चेहऱ्यावर मास्क नव्हता, त्यामुळे अनेकांनी आश्चर्य व्यक्त केले होते, तर अनेकांनी त्यांच्यावर टीकाही केली होती. त्यामुळे आज मास्क लावूनच पंतप्रधांनांनी कोरोना लसीचा दुसरा डोस घेतला.
यानंतर त्यांनी ट्विट करून म्हटले, ‘एम्स रुग्णालयात आज कोरोना लसीचा दुसरा डोस घेतला. कोरोनाला हरवण्यासाठी असणाऱ्या पर्यायांपैकी लसीकरण हा एक मार्ग आहे. जर तुम्ही कोरोना लसीसाठी पात्र असाल तर लवकरच डोस घ्या. http://CoWin.gov.in वर रजिस्टर करा.’
Got my second dose of the COVID-19 vaccine at AIIMS today.
Vaccination is among the few ways we have, to defeat the virus.
If you are eligible for the vaccine, get your shot soon. Register on https://t.co/hXdLpmaYSP. pic.twitter.com/XZzv6ULdan
— Narendra Modi (@narendramodi) April 8, 2021
