Amritpal Singh : खलिस्तान समर्थक अमृतपाल सिंगला पंजाब पोलिसांनी केलं अटक
Amritpal Singh : खलिस्तान समर्थक अमृतपाल सिंगला पंजाब पोलिसांनी ३६ दिवसांनंतर अटक केली आहे. पोलिसांनी अमृतपालला मोगा येथील रोडेवाल गुरुद्वारातून पकडले आहे. आता त्याला आसामच्या दिब्रुगड तुरूंगात हलवण्यात येणार आहे.
पंजाब पोलिसांनी १८ मार्च रोजी अमृतपाल सिंग आणि त्याच्या ‘वारीस पंजाब दे’ या संघटनेच्या सदस्यांविरुद्ध कारवाई सुरू केली होती. अमृतपाल सिंग आणि त्याच्या साथीदारांवर वर्गांमध्ये तेढ पसरवणे, खुनाचा प्रयत्न, पोलिस कर्मचाऱ्यांवर हल्ला आणि सार्वजनिक सेवकांच्या कर्तव्यात कायदेशीर अडथळे निर्माण करणे अशा अनेक फौजदारी खटल्यांतर्गत गुन्हा दाखल करण्यात आला आहे.
अमृतपालचा गुरू मानला जाणारा आणि पाकिस्तानच्या आयएसआयच्या संपर्कात असलेल्या पापप्रीतला अटक करण्यात आली आहे. खलिस्तानचा सहानुभूतीदार आणि त्याच्या साथीदारांविरुद्ध असंतोष पसरवणे, हत्येचा प्रयत्न करणे, पोलिस कर्मचाऱ्यांवर हल्ला करणे आणि सार्वजनिक सेवकांकडून कर्तव्य बजावण्यात अडथळे आणल्याबद्दल अनेक गुन्हे दाखल करण्यात आले आहेत.