breaking-newsआंतरराष्टीयताज्या घडामोडी
Coronavirus: धक्कादायक! अमेरिकेतील बळींची संख्या २० हजारांवर
![](https://mahaenews.com/wp-content/uploads/2020/04/dead_body_1563537295-2.jpg)
जगातील सर्वाधिक मृत्यू; पाच लाखांहून अधिक बाधित
वॉशिंग्टन : करोना मृत्यूच्या संख्येत अमेरिकेने इटलीला मागे टाकले असून आता तेथे वीस हजाराहून अधिक (२०,५८०) बळी गेले आहेत.
जॉन हॉपकिन्स विद्यापीठाच्या माहितीनुसार करोनामुळे आतापर्यंत सर्वाधिक बळी इटलीत गेले होते पण आता अमेरिका पहिल्या क्रमांकावर आहे. करोना विषाणूचा प्रसार गेल्या वर्षी चीनमध्ये डिसेंबरमध्ये सुरू झाला होता. आता जगभरात या विषाणूने लाखावर बळी गेले असून अमेरिकेतील बळींची संख्या आता २०५९७ झाली आहे. इटलीतील मृतांची संख्या १९४६८ आहे.
अमेरिकेत करोना रुग्णांची संख्या ५ लाख ३ हजार झाली आहे. स्पेन १६३०२७, इटली १५२२७१, जर्मनी १२५४५२, फ्रान्स ९३७९० या प्रमाणे रुग्णांची संख्या आहे. अमेरिका व इटली नंतर मृतांची संख्या स्पेन १६९७२ , फ्रान्स १३८५२, ब्रिटन ९८७५ या प्रमाणे आहे.