#Coronavirus:कोल्हापूर जिल्ह्यात कोरोना बाधितांचा आकडा शंभरी पार
कोल्हापूर : कोल्हापूर जिल्ह्यात कोरोना विषाणूने धुमाकूळ घातला आहे. जिल्ह्यात काल (18 मे) एकाच दिवसात तब्बल 52 कोरोना रुग्ण आढळले आहेत. त्यामुळे जिल्ह्यात कोरोना रुग्णांच्या संख्येत वाढ होऊन ती 101 वर पोहोचली आहे. एकाच दिवसात 52 रुग्ण आढळल्याने जिल्ह्यात एकच खळबळ उडाली
कोल्हापूरच्या सर्वच तालुक्यात आता कोरोनाने शिरकाव केला आहे. काल रात्री 28 जणांचे अहवाल कोरोना पॉझिटिव्ह आले आहेत. तर दिवसभरात 52 रुग्णांचे अहवाल कोरोना पॉझिटिव्ह आले. जिल्ह्यात काल एका 35 वर्षीय रुग्णाचा कोरोनाने मृत्यू झाला आहे. वाढत्या कोरोना रुग्णांच्या संख्येने जिल्ह्याच्या यंत्रणेची झोप उडाली आहे.
सध्या मुंबई आणि पुणे शहरात मोठ्या प्रमाणात कोरोनाबाधित रुग्ण आहेत. या शहरातील अनेक जण पश्चिम महाराष्ट्र आणि कोकणात जात आहेत. त्यामुळे तेथेही कोरोना रुग्णांच्या संख्येत वाढ होत आहे, असं म्हटलं जात आहे.
नुकतेच काल मुख्यमंत्री उद्धव ठाकरेंनीही महाराष्ट्रातील नागिरकांना मुंबई, पुण्यातून गावी न जाण्याचे आवाहन केले.
