शताब्दी एक्सप्रेसच्या डब्यात भीषण आग; दिल्ली-डेहराडून प्रवासादरम्यान दुर्घटना
![A fierce fire in the compartment of the Shatabdi Express; Accident during Delhi-Dehradun](https://mahaenews.com/wp-content/uploads/2021/03/EwWSRvwVcAUQA2z.jpg)
डेहराडून । प्रतिनिधी
नवी दिल्लीहून डेहराडूनकडे येत असलेल्या शताब्दी एक्सप्रेसच्या डब्यात भीषण आग लागली. बोगीमध्ये 30 हून अधिक लोक होते. लोको पायलट आणि गार्डने प्रसंगावधान राखत कान्सरो रेल्वे स्थानकात रेल्वे थांबविली. यानंतर राजाजी व्याघ्र प्रकल्प आणि रेल्वेच्या अधिकाऱ्यांना कशी तरी माहिती देण्यात आली.
माहिती मिळताच अधिकारी घटनास्थळी पोहोचले. राजाजी व्याघ्र प्रकल्प असल्याने कंसारोमध्ये मोबाइल नेटवर्क सेवा उपलब्ध नाही. ज्यामुळे घटनेची माहिती गोळा करण्यात वेळ लागत आहे. असे सांगितले जात आहे की बोगीमध्ये 30 हून अधिक लोक होते.
![A fierce fire in the compartment of the Shatabdi Express; Accident during Delhi-Dehradun](https://mahaenews.com/wp-content/uploads/2021/03/EwWTPTwWYAMdOWi-300x146.png)
अधिकारी घटनास्थळी दाखल झाले आहेत आणि घटनेचा तपास करत आहेत. डेहराडून रेल्वे स्टेशनचे ऑपरेशन्स अधीक्षक सीताराम शंकर यांनी सांगितले की, शताब्दी एक्स्प्रेस रायवालाहून डेहराडूनला निघाली होती.
दरम्यान, कानसरोमधील जंगलात एका डब्याला आग लागली. रेल्वे अधिकाऱ्यांनाही फारशी माहिती मिळत नाही. अग्निशमन दलालाही जंगलाच्या मार्गामुळे अडचणी येत आहेत. रेल्वे विभागाने जागेवर अतिरिक्त गस्तीचे कर्मचारी पाठवले आहेत.