देशातील कोरोनाबाधितांची संख्या 1,05,57,985 वर
![# Covid-19: Worrying! 1,52,879 positive patients were found in the country in 24 hours](https://mahaenews.com/wp-content/uploads/2020/08/coronavirus-1200x675-1.jpg)
- 24 तासांत 15,144 नवे रुग्ण
नवी दिल्ली – देशातील कोरोनाबाधितांची संख्या 1 कोटीच्या पार गेल्याने चिंता प्रचंड वाढली आहे. त्यामुळे नागरिकांनी आपापली काळजी घेणे आवश्यक आहे. त्यातच देशात मागील 24 तासांत 15,144 नव्या कोरोना रुग्णांची नोंद झाली असून 181 कोरोना रुग्णांनी आपला जीव गमावला आहे. यासह देशाची एकूण कोरोना रुग्णसंख्या आता 1,05,57,985 वर पोहोचली आहे, तर कोरोनाबळींचा आकडा 1,52,274 इतका झाला आहे. तसेच आरोग्य मंत्रालयाने दिलेल्या माहितीनुसार, काल दिवसभरात 17,170 जण कोरोनामुक्त झाल्याने देशात आतापर्यंत 1,01,96,885 व्यक्तींनी कोरोनावर यशस्वी मात केली असून सध्या 2,08,826 जण कोरोनावर उपचार घेत आहेत.
वाचा :-पुडुचेरीचे भाजप आमदार व प्रदेशाध्यक्ष खजिनदार के.जी. शंकर यांचे निधन
दरम्यान, गेल्या काही महिन्यांपासून कोरोनाचा संसर्ग वाढत असल्याने केंद्र सरकारकडून लॉकडाऊनची कडक अंमलबजावणी करण्यात आली होती. परंतु त्यानंतर अर्थव्यवस्था रुळावर आणण्यासाठी सुरू करण्यात आलेल्या अनलॉकच्या काळात रुग्णसंख्येने मोठी उसळी घेतली. परंतु आता मात्र दिवसेंदिवस दिवसभरातील रुग्णसंख्या घटताना दिसत आहे. तरी देशातील एकूण रुग्णसंख्या 1 कोटीच्या पार गेल्याने चिंता वाढली आहे. तसेच ब्रिटनमध्ये आढळलेल्या नव्या कोरोना विषाणूने भारतातही शिरकाव केल्यामुळे सर्वांनी काळजी घेणे आवश्यक आहे.