दिग्गजांचे ट्विटर अकाऊंट हॅक, हॅकर्सचा मोठा हल्ला
![Avoid being a foreign company from Twitter](https://mahaenews.com/wp-content/uploads/2018/05/twitter.jpg)
मुंबई | ट्विटर हॅकर्सने मोठा हल्ला केला आहे. जगभरातील अनेक मोठ्या व्यक्तींचे अकाऊंट हॅक झाले आहेत. यामध्ये अमेरिकेचे माजी राष्ट्राध्यक्ष बराक ओबामा, डेमोक्रेटिक पक्षाचे राष्ट्राध्यक्ष पदाचे उमेदवार जो बाइडेन, इस्राईलचे पंतप्रधान बेंजामिन नेतन्याहू सारख्या मोठ्या व्यक्तींचा समावेश आहे. याशिवाय उद्योगपती एलन मस्क, जेफ बेजोस आणि बिल गेट्ससह अनेक उद्योगपतींचे अकाऊंट देखील हॅक झाले आहेत.
हॅक केलेल्या अकाऊंट्सवरुन पोस्ट करत त्यामध्ये बिटकॉइनमध्ये दान मागण्यात आलं आहे. अनेक खोटो ट्विट करण्यात आले. बिटकॉइनच्या दुप्पट परत केले जातील. पोस्ट झाल्यानंतर काही मिनिटात हे ट्विट डिलीट झाले. पण या काळात हॅकर्सला शेकडो लोकांनी एक लाख डॉलर पेक्षा अधिकची रक्कम पाठवली. ट्विटरने म्हटलं की, आमच्यासाठी ही परिस्थिती आव्हानात्मक होती. आमची टीम याला दुरुस्त करत आहे.
या दिग्गज व्यक्तींचे अकाऊंट हॅक
- अमेरिकेचे माजी राष्ट्राध्यक्ष बराक ओबामा
- राष्ट्राध्यक्षपदाचे उमेदवार जो बिडेन
- इस्राईलचे पंतप्रधान बेंजामिन नेतन्याहू