राज्य सरकारचा मोठा निर्णय! २२ जानेवारीला सार्वजनिक सुट्टी जाहीर
मुंबई | अयोध्येत राम मंदिर उदघाटन सोहळा सोमवारी २२ तारखेला पार पडणार आहे. अवघा देश हा दिवस उत्सवाप्रमाणे साजरा करण्यासाठी तयारी करीत आहे. या दिवशी देशभरातील विविध भागात जणू दिवाळी साजरी होणार आहे. या निमित्ताने केंद्र सरकारने अर्धा दिवसाची सुट्टी जाहीर केली आहे. यानंतर आता राज्य सरकारनेही २२ जानेवारीला सार्वजनिक सुट्टी जाहीर केली आहे.
२२ जानेवारी रोजी पंतप्रधान नरेंद्र मोदी यांच्या हस्ते अयोध्येतील राम मंदिराचे उद्घाटन करण्यात येणार असून या कार्यक्रमासाठी देश-विदेशातील ६ हजाराहून अधिक व्हिआयपी मान्यवर उपस्थित राहणार आहेत. यात राजकीय नेते, अभिनेते,उद्योगपती तसेच क्रीडा क्षेत्रातील दिग्गजांचा समावेश आहे.
हेही वाचा – पिंपरी, आकुर्डीमधील प्रधान आवास योजना ‘लॉटरी’ला अखेर ‘मुहूर्त’
22 जानेवारी 2024 रोजी प्रभु श्री राम प्राणप्रतिष्ठा सोहळ्यानिमित्त सार्वजनिक सुट्टी जाहीर करण्याचा निर्णय राज्य सरकारने घेतला आहे.
या निर्णयाबद्दल मुख्यमंत्री @mieknathshinde जी, उपमुख्यमंत्री @Dev_Fadnavis जी, आणि उपमुख्यमंत्री @AjitPawarSpeaks जी यांच्या नेतृत्वाखालील महायुती… pic.twitter.com/oKu2mPhRQb
— Manoj Kotak (@manoj_kotak) January 19, 2024
महाराष्ट्रासह उत्तरप्रदेश, हरियाणा, मध्यप्रदेश, राजस्थान, छत्तीसगड, गोवा, आसाम व ओडिशा या राज्यांनी २२ जानेवारीला सुट्टी जाहीर केली आहे.