breaking-newsताज्या घडामोडीराष्ट्रिय
#CoronaVirus: ८ जूनपासून रेस्ताराँ, हॉटेल, मॉल धार्मिक स्थळे खुली
पुढील आठवडय़ापासून (८ जून) रेस्ताराँ, हॉटेल, मॉल आणि अन्य आदरातिथ्य सेवा पुन्हा सुरू होतील. टाळेबंदीच्या परतीच्या प्रवासातील पहिल्या टप्प्यात प्रामुख्याने आर्थिक व्यवहारांना गती देण्याचा प्रयत्न आहे. या टप्प्यात धार्मिक स्थळे लोकांसाठी खुली केली जाणार आहेत. त्याची मागणी प्रामुख्याने भाजपची सत्ता असलेल्या कर्नाटक सरकारने केली होती. या विविध सेवा सुरू करण्यासाठी केंद्रीय आरोग्य मंत्रालयाकडून स्वतंत्र नियमावली प्रसिद्ध केली जाणार आहे. देशांतर्गत विमानसेवा सुरू करतानाही प्रवाशांसाठी नव्या अटी नागरी विमान वाहतूक मंत्रालयाने लागू केल्या आहेत. त्याच धर्तीवर सेवा ठिकाणांमध्ये करोनासंदर्भातील नियमांचे पालन करावे लागेल.